നെടുമ്പാശേരി പുതിയ രാജ്യാന്തര ടെർമിനലിലേക്കു പ്രവേശനം : Deepika.com Kerala News |

Click here for detailed news of all items

നെടുമ്പാശേരി പുതിയ രാജ്യാന്തര ടെർമിനലിലേക്കു പ്രവേശനം

Saturday, January 21, 2017 3:10 PM IST

നെടുമ്പാശേരി: അന്താരാഷ് ട്ര വിമാനത്താവളത്തിൽ നിർമാണം പൂർത്തിയായ പുതിയ രാജ്യാന്തര ടെർമിനൽ (ടി 3) കമ്മീഷൻ ചെയ്യുന്നതിന് മുന്നോടിയായി വിവിധ മേഖലകളിലുള്ളവരെ പ്രവേശിപ്പിക്കുന്നു.

ജനപ്രതിനിധികൾ, ഓഹരിയുടമകൾ, മാധ്യമ പ്രവർത്തകർ, മറ്റ് പ്രഫഷണലുകൾ, വിദ്യാർഥികൾ എന്നിവർക്കാണ് വിവിധ തീയതികളിലായി പുതിയ ടെർമിനലിനുള്ളിലേക്കു പ്രവേശനം അനുവദിക്കുന്നത്.

18,000ൽ അധികം നിക്ഷേപകരാണ് കൊച്ചി അന്താരാഷ് ട്ര വിമാനത്താവളക്കന്പനിക്കുള്ളത് . 27 ന് രാവിലെ ഒമ്പതു മുതൽ വൈകുന്നേരം അഞ്ചുവരെയാണ് ഓഹരിയുടമകൾക്കായുള്ള സന്ദർശനം ഒരുക്കിയിട്ടുള്ളത്. 28ന് ജില്ലയിലെ മാധ്യമപ്രവർത്തകർക്ക് സന്ദർശനാവസരം നൽകും.

15 ലക്ഷം ചതുരശ്രയടി വിസ്തീർണത്തിൽ അത്യാധുനിക സുരക്ഷാ സന്നാഹങ്ങളോടെ പണികഴിപ്പിച്ചിട്ടുള്ള ടി3 യിലെ സൗകര്യങ്ങളെക്കുറിച്ച് അന്താരാഷ്‌ട്ര വിമാനത്താവളത്തിലെ ഉദ്യോഗസ്ഥർ സന്ദർശകർക്ക് മുന്നിൽ വിശദീകരിക്കും.
ടി 3 കാണാനെത്തുന്ന ഓഹരിയുടമകൾ ഫോട്ടോ പതിച്ച ഏതെങ്കിലും തിരിച്ചറിയൽ കാർഡ് ഹാജരാക്കണം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.