റബർ വിലസ്ഥിരതാ പദ്ധതിയിൽ 84.71 കോടി രൂപ കുടിശിക : Deepika.com Kerala News |

Click here for detailed news of all items

റബർ വിലസ്ഥിരതാ പദ്ധതിയിൽ 84.71 കോടി രൂപ കുടിശിക

Monday, January 23, 2017 2:59 PM IST

കോട്ടയം: റബർ വില ആർഎസ്എസ് നാല് ഗ്രേഡിന് 150 രൂപയിലെത്തിയതോടെ സർക്കാർ വിലസ്ഥിരതാ സഹായ പദ്ധതിയുടെ കാലാവധി തീർന്നെങ്കിലും 2016 ജൂലൈ മുതലുള്ള രണ്ടാംഘട്ടം പദ്ധതിയിൽ കർഷകർക്ക് നൽകാൻ 84.71 കോടി രൂപ കുടിശിക.

കഴിഞ്ഞ സംസ്ഥാന ബജറ്റിൽ 500 കോടി രൂപയാണു റബർ വിലസ്ഥിരതാ പദ്ധതിയിൽ വകയിരുത്തിയത്. ഈ തുകയിൽനിന്ന് ഒന്നാംഘട്ടം പദ്ധതിയിൽ ബാക്കി വന്ന ബില്ലുകളിലേക്ക് 296 കോടി രൂപയും രണ്ടാംഘട്ടം ബില്ലുകളിൽ 27 കോടി കോടി രൂപയും ഉൾപ്പെടെ 323 കോടി രൂപ ചെലവഴിച്ചിട്ടുണ്ട്. പദ്ധതിയിൽ 177 കോടി രൂപ ബാക്കിയുണ്ട്.
2015 ജൂലൈയിൽ ആരംഭിച്ച സഹായ പദ്ധതിയിൽ ആ വർഷം 3.66 ലക്ഷം കർഷകർ രജിസ്റ്റർ ചെയ്തു. 2016 ജൂലൈയിൽ തുടങ്ങിയ രണ്ടാംഘട്ടത്തിൽ പുതുതായി 70,000 പേർ കൂടി രജിസ്റ്റർചെയ്തു.

രണ്ടുഘട്ടങ്ങളിലായി ആകെ 4.36 ലക്ഷം കർഷകരാണു വിലസ്ഥിരതാപദ്ധതിയിലുള്ളത്. രണ്ടാംഘട്ടം ഷീറ്റും ലാറ്റക്സും വിറ്റ വകയിൽ 6.7 ലക്ഷം ബില്ലുകളാണു സഹായത്തിനായി അപ് ലോഡ് ചെയ്തിരിക്കുന്നത്. 2016 നവംബർ രണ്ടാംവാരം വരെ അപ് ലോഡ് ചെയ്ത ബില്ലുകൾക്കുള്ള സഹായമാണു ബാങ്കിൽ എത്തിക്കൊണ്ടിരിക്കുന്നത്.
അപ് ലോഡ് ചെയ്ത നാലു ലക്ഷം ബില്ലുകൾ സഹായത്തിനായി പരിഗണിക്കാനുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.