വിദ്യാർഥികൾ പണത്തിന്‍റെ പോക്ക് മനസിലാക്കണം: മന്ത്രി : Deepika.com Kerala News |

Click here for detailed news of all items

വിദ്യാർഥികൾ പണത്തിന്‍റെ പോക്ക് മനസിലാക്കണം: മന്ത്രി

Monday, January 23, 2017 3:14 PM IST

കൊച്ചി: പണത്തിന്‍റെയും സന്പാദ്യത്തിന്‍റെയും ഗതിവിഗതികൾ മനസിലാക്കാനുള്ള ശാസ്ത്രീയ അറിവ് ഓരോ വിദ്യാർഥിക്കും അനിവാര്യമാണെന്നു മന്ത്രി ഇ. ചന്ദ്രശേഖരൻ. സ്കൂൾ വിദ്യാർഥികളിൽ സാന്പത്തിക അവബോധം സൃഷ്ടിക്കുന്നതിന്‍റെ ഭാഗമായി കേരള ഗ്രാമീണ്‍ ബാങ്ക് ആവിഷ്കരിച്ചു നടപ്പാക്കുന്ന ഫിനാൻഷൽ ലിറ്ററസി@സ്കൂൾ പരിപാടിയുടെ സംസ്ഥാനതല ഉദ്ഘാടനം കാക്കനാട് അസീസി വിദ്യാനികേതൻ പബ്ലിക് സ്കൂളിൽ നിർവഹിക്കുകയായിരുന്നു അദ്ദേഹം.

കേരളപ്പിറവിയുടെ 60-ാം വാർഷികത്തിൽ പുതുതലമുറയെ സാന്പത്തിക ഇടപാടുകളുടെ പാഠങ്ങൾ പഠിപ്പിക്കാൻ ലക്ഷ്യമിട്ടുള്ള ഫിനാൻഷൽ ലിറ്ററസി കരുത്തുറ്റ ഒരു സമൂഹത്തിന്‍റെ നിർമിതിക്കായുള്ള ഉറച്ച കാൽവയ്പാണ്. സാന്പത്തിക സാക്ഷരത വ്യക്തികൾക്കും സ്ഥാപനങ്ങൾക്കും സമൂഹത്തിനും രാഷ്‌ട്രത്തിനും ഒരുപോലെ പ്രയോജനകരമാണെന്നും അദ്ദേഹം പറഞ്ഞു.

പദ്ധതിയുടെ തുടക്കത്തിൽ എല്ലാ ശാഖകളുടെയും കീഴിൽ തെരഞ്ഞെടുക്കപ്പെട്ട ഓരോ സ്കൂളിലെയും ആറാം ക്ലാസിനു മുകളിലുള്ള വിദ്യാർഥികൾക്കായിരിക്കും സാന്പത്തിക അവബോധം നൽകുക. ടെക്നോളജി ഏറ്റവും എളുപ്പത്തിൽ മനസിലാക്കുന്ന കുട്ടികൾ വഴി ഇതു മുതിർന്നവരിലെത്തിക്കുക എന്നതാണ് ബാങ്ക് ലക്ഷ്യമാക്കുന്നതെന്ന് അധ്യക്ഷപ്രസംഗം നടത്തിയ ബാങ്ക് ചെയർമാൻ കെ.വി. ഷാജി പറഞ്ഞു. ഇതിനായി ആൻഡ്രോയിഡ് പ്ലാറ്റ് ഫോമിൽ പ്രവർത്തിക്കുന്ന ലിറ്റിൽ കെജിബി എന്ന മൊബൈൽ ആപ്പും ബാങ്ക് വികസിപ്പിച്ചിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.