കോട്ടയം: ഓൾ കേരള പ്രൈവറ്റ് ബാങ്കേഴ്സ് അസോസിയേഷൻ സംസ്ഥാന പ്രസിഡന്റ് ജോസഫ് ചോതിരക്കുന്നേലിന്റെ 80-മത് ജന്മദിനത്തോടനുബന്ധിച്ചുള്ള അനുമോദന സമ്മേളനം തോട്ടയ്ക്കാട് സെന്റ് ജോർജ് ഓഡിറ്റോറിയത്തിൽ നടന്നു.
പ്രൈവറ്റ് ബാങ്കേഴ്സ് അസോസിയേഷനെ, പണമിടപാടുകാരുടെ സംസ്ഥാനത്തെ പ്രബല സംഘടനയായി മാറ്റിയെടുത്ത ഉജ്വല നേതൃശേഷിയുള്ള മികച്ച നേതാവാണു ജോസഫ് ചോതിരക്കുേ ന്നലെന്ന് അനുമോദന സമ്മേളനത്തിൽ പങ്കെടുത്ത പ്രമുഖ നേതാക്കൾ പറഞ്ഞു.
തിരുവഞ്ചൂർ രാധാകൃഷ്ണൻ എംഎൽഎ സമ്മേളനം ഉദ്ഘാടനംചെയ്തു. ബിഷപ് ജോസഫ് മാർ ബർണബാസ് അനുഗ്രഹപ്രഭാഷണം നടത്തി. മുൻ മുഖ്യമന്ത്രി ഉമ്മൻ ചാണ്ടി എംഎൽഎ, സി.എഫ്. തോമസ് എംഎൽഎ, റോഷി അഗസ്റ്റിൻ എംഎൽഎ, ജോസ് കെ. മാണി എംപി, ജോയി ഏബ്രഹാം എംപി എന്നിവർ പ്രസംഗിച്ചു.
പ്രതിപക്ഷ നേതാവ് രമേശ് ചെന്നിത്തല, ഒ. രാജഗോപാൽ എംഎൽഎ എന്നിവരുടെ സന്ദേശം യോഗത്തിൽ വായിച്ചു. റവ.ഡോ. ഇഗ്നേഷ്യസ് തങ്ങളത്തിൽ, വാകത്താനം പഞ്ചായത്ത് പ്രസിഡന്റ് ബോബി മോൾ ബെന്നി, കട്ടപ്പന മുനിസിപ്പൽ ചെയർമാൻ സിബി പറപ്പയിൽ, ചോതിരക്കുന്നേൽ കുടുംബയോഗം സെക്രട്ടറി ജോർജുകുട്ടി ഇളംതുരുത്തിൽ, കെ.കെ. ഗോപു, ഇ.പി. ജോസ്, പി.എ. ജോസ്, ടി.എസ്. ജോർജ്, ജയചന്ദ്രൻ മറ്റപ്പള്ളി, ജെ. അനിൽ, പ്രൈവറ്റ് ബാങ്കേഴ്സ് അസോസിയേഷൻ സംസ്ഥാന നേതാക്കൾ, ജില്ലാ പ്രസിഡന്റുമാർ, താലൂക്ക് പ്രസിഡന്റുമാർ തുടങ്ങി ഒട്ടേറെ പ്രമുഖർ ആശംസകൾ അർപ്പിച്ചു പ്രസംഗിച്ചു. തോട്ടയ്ക്കാട് സ്നേഹാലയത്തിനുള്ള സാന്പത്തിക സഹായം തോട്ടയ്ക്കാട് സെന്റ് ജോർജ് പള്ളി വികാരി ഫാ. തോമസ് പ്ലാപ്പറന്പിലിന് സി.ജെ. ജോസഫ് കൈമാറി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.