ലക്ഷ്മി നായർക്കെതിരേ മനുഷ്യാവകാശ കമ്മീഷൻ കേസെടുത്തു : Deepika.com Kerala News |

Click here for detailed news of all items

ലക്ഷ്മി നായർക്കെതിരേ മനുഷ്യാവകാശ കമ്മീഷൻ കേസെടുത്തു

Monday, January 23, 2017 3:39 PM IST

തൊടുപുഴ: രണ്ടാഴ്ചക്കാലമായി വിദ്യാർഥിസംഘടനകളുടെ സമരം തുടരുന്ന തിരുവനന്തപുരം ലോ അക്കാഡമി പ്രിൻസിപ്പലിനും ഉന്നത വിദ്യാഭ്യാസ സെക്രട്ടറിക്കുമെതിരേ മനുഷ്യാവകാശ കമ്മീഷൻ സ്വമേധയ കേസെടുത്തു. ഇവിടെ ദളിത് വിദ്യാർഥികളെ ജാതീയമായി അധിക്ഷേപിക്കുന്നു, ഇന്‍റേണൽ മാർക്കിന്‍റെ പേരിൽ വിദ്യാർഥികളെ മാനസിക സമ്മർദത്തിലാക്കുന്നു തുടങ്ങിയ പരാതികളെ തുടർന്നാണ് പ്രിൻസിപ്പലായ ലക്ഷ്മി നായർക്കെതിരെ കേസെടുത്തിരിക്കുന്നതെന്നു മനുഷ്യാവകാശ കമ്മീഷൻ ആക്ടിംഗ് ചെയർമാൻ പി. മോഹനദാസ് പറഞ്ഞു.

രണ്ടാഴ്ചയായി തുടരുന്ന സമരം പരിഹരിക്കാത്തതിനാണ് ഉന്നത വിദ്യാഭ്യാസ സെക്രട്ടറിക്കെതിരേ കേസ്. അഭിഭാഷകരും വിദ്യാർഥികളും രക്ഷിതാക്കളും അടക്കമുള്ളവരിൽനിന്നും നിരവധി പരാതികൾ കമ്മീഷനു മുന്പിൽ ലഭിച്ചിട്ടുണ്ടെന്നും അദ്ദേഹം പറഞ്ഞു.
ജാതിയ അധിക്ഷേപവും ഇന്‍റേണൽ മാർക്കിന്‍റെ പേരിലുള്ള മാനസിക പീഡനവും സംബന്ധിച്ച പരാതികളാണ് ഏറെയെന്നും അദ്ദേഹം പറഞ്ഞു. എത്രയും വേഗം പ്രശ്നം പരിഹരിച്ച് സമരം അവസാനിപ്പിച്ച് ക്ലാസ് ആരംഭിക്കണമെന്നും കമ്മീഷന്‍റെ നിർദേശത്തിൽ പറയുന്നു. തൊടുപുഴയിൽ സിറ്റിംഗിന് എത്തിയതായിരുന്നു അദ്ദേഹം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.