വിദേശ ട്രോളറുകളു‌ടെ ആഴക്കടൽ മത്സ്യബന്ധനം: ഹർജിയിൽ ഹൈക്കോടതി വിശദീകരണം തേടി : Deepika.com Kerala News |

Click here for detailed news of all items

വിദേശ ട്രോളറുകളു‌ടെ ആഴക്കടൽ മത്സ്യബന്ധനം: ഹർജിയിൽ ഹൈക്കോടതി വിശദീകരണം തേടി

Monday, January 23, 2017 3:48 PM IST

കൊച്ചി: വിദേശ ട്രോളറുകൾ നിയമവിരുദ്ധമായി ആഴക്കടൽ മത്സ്യബന്ധനം നടത്തുന്നതു തടയണമെന്ന ഹർജിയിൽ ഹൈക്കോടതി കേന്ദ്ര സർക്കാരിന്‍റെയും റിസർവ് ബാങ്കിന്‍റെയും വിശദീകരണം തേടി. ഹർജി ഫെബ്രുവരി ആറിന് വീണ്ടും പരിഗണിക്കും.

കൊല്ലം സ്വദേശി എം.കെ. സലിം നൽകിയ ഹർജിയാണ് ഹൈക്കോടതി പരിഗണിക്കുന്നത്. ഇന്ത്യൻ കന്പനികൾ ഏറ്റെടുത്ത വിദേശ ട്രോളറുകൾ ആഴക്കടലിൽനിന്നു പിടികൂടുന്ന മത്സ്യം റിസർവ് ബാങ്കിന്‍റെ മേൽനോട്ടത്തിൽ വൻകിട വിദേശ കന്പനികൾക്ക് കൈമാറണമെന്നും ഇതിനു കഴിഞ്ഞില്ലെങ്കിൽ മത്സ്യം ഇന്ത്യൻ തുറമുഖത്തെത്തിക്കണമെന്നുമാണ് വ്യവസ്ഥ. ഇതു പാലിക്കാതെ വിദേശ ട്രോളറുകൾ നേരിട്ട് വൻകിട കന്പനികൾക്ക് ആഴക്കടലിൽ വച്ച് മത്സ്യം കൈമാറുകയാണെന്ന് ഹർജിക്കാരൻ ആരോപിക്കുന്നു.
വ്യാജ ഇന്ത്യൻ കന്പനികളുടെ പേരിലാണ് വിദേശ ട്രോളറുകൾ കേന്ദ്ര സർക്കാരിൽ നിന്ന് അനുമതി നേടിയതെന്നും ഹർജിയിൽ ചൂണ്ടിക്കാട്ടിയിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.