യുഡിഎഫ് പിക്കറ്റിംഗ് ഇന്ന് : Deepika.com Kerala News |

Click here for detailed news of all items

യുഡിഎഫ് പിക്കറ്റിംഗ് ഇന്ന്

Monday, January 23, 2017 3:48 PM IST

തിരുവനന്തപുരം: കേന്ദ്ര- സംസ്ഥാന സർക്കാരുകളുടെ ജനവിരുദ്ധനയങ്ങൾക്കെതിരേ സെക്രട്ടേറിയറ്റിനു മുന്നിലും ജില്ലാ കളക്ടറേറ്റുകൾക്കു മുന്നിലും യുഡിഎഫ് നേതൃത്വത്തിൽ ഇന്നു പിക്കറ്റിംഗ് നടത്തും. തിരുവനന്തപുരത്തു പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. ഉപനേതാവ് പി.കെ.കുഞ്ഞാലിക്കുട്ടി പങ്കെടുക്കും.

കൊല്ലത്ത് മുസ്ലിം ലീഗ് സംസ്ഥാന സെക്രട്ടറി കെ.പി.എ. മജീദ്, ആലപ്പുഴയിൽ കെപിസിസി പ്രസിഡന്‍റ് വി.എം. സുധീരൻ, പത്തനംതിട്ടയിൽ ആർഎസ്പി സംസ്ഥാന സെക്രട്ടറി എ.എ. അസീസ് എക്സ് എംഎൽഎ, കോട്ടയത്ത് എഐസിസി വക്താവ് പി.സി.ചാക്കോ, ഇടുക്കിയിൽ കേരള കോണ്‍ഗ്രസ്- ജേക്കബ് ചെയർമാൻ ജോണി നെല്ലൂർ, എറണാകുളത്ത് മുൻ മുഖ്യമന്ത്രി ഉമ്മൻചാണ്ടി എന്നിവർ ഉദ്ഘാടനം ചെയ്യും.

തൃശൂരിൽ കെ.സി. വേണുഗോപാൽ എംപി, പാലക്കാട് തിരുവഞ്ചൂർ രാധാകൃഷ്ണൻ എംഎൽഎ, മലപ്പുറത്ത് ഡോ. എം.കെ. മുനീർ എംഎൽഎ, കോഴിക്കോട്ട് ജനതാദൾ - യു സംസ്ഥാന പ്രസിഡന്‍റ് എം.പി.വീരേന്ദ്രകുമാർ എംപി, കണ്ണൂരിൽ കെ. മുരളീധരൻ എംഎൽഎ, വയനാട്ടിൽ സിഎംപി സംസ്ഥാന സെക്രട്ടറി സി.പി.ജോണ്‍, കാസർഗോഡ് ബെന്നി ബഹന്നാൻ എന്നിവരും പിക്കറ്റിംഗ് ഉദ്ഘാടനം ചെയ്യും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.