മാർ ക്രിസോസ്റ്റം മെത്രാപ്പോലീത്ത നൂറിന്‍റെ നിറവിൽ : Deepika.com Kerala News |

Click here for detailed news of all items

മാർ ക്രിസോസ്റ്റം മെത്രാപ്പോലീത്ത നൂറിന്‍റെ നിറവിൽ

Saturday, February 18, 2017 2:02 PM IST

മാരാമണ്‍: ഏപ്രിൽ 27ന് നൂറാം ജന്മദിനം ആഘോഷിക്കുന്ന ഡോ.ഫിലിപ്പോസ് മാർ ക്രിസോസ്റ്റം വലിയ മെത്രാപ്പോലീത്തയ്ക്ക് 122 -ാമത് മാരാമണ്‍ കണ്‍വൻഷൻ ആദരം അർപ്പിച്ചു.

ഇന്നലെ രാവിലത്തെ യോഗത്തിലാണ് വലിയ മെത്രാപ്പോലീത്തയ്ക്ക് ആശംസകൾ കൈമാറിയത്. ഡോ. ജോസഫ് മാർത്തോമ്മാ മെത്രാപ്പോലീത്ത അദ്ദേഹത്തിന് സഭയുടെയും കണ്‍വൻഷന്‍റെയും ആശംസകൾ കൈമാറി.

മാർത്തോമ്മാ സുവിശേഷപ്രസംഗസംഘം ആന്ധ്രപ്രദേശിൽ ഏറ്റെടുക്കുന്ന മിഷൻ പ്രോജക്ട് മാർ ക്രിസോസ്റ്റം ജന്മശതാബ്ദി പ്രോജക്ടായിരിക്കുമെന്നു മെത്രാപ്പോലീത്ത അറിയിച്ചു.
ഡോ.യുയാക്കിം മാർ കൂറിലോസ് എപ്പിസ്കോപ്പ അധ്യക്ഷതവഹിച്ചു.

മാർത്തോമ്മാ സഭയിലെ ബിഷപ്പുമാരെ കൂടാതെ കൽദായ സുറിയാനി സഭാധ്യക്ഷൻ മാർ അപ്രേം മെത്രാപ്പോലീത്ത, തൊഴിയൂർ സ്വതന്ത്ര സുറിയാനി സഭാധ്യക്ഷൻ സിറിൽ മാർ ബസേലിയോസ് മെത്രാപ്പോലീത്ത, രാജ്യസഭ ഉപാധ്യക്ഷൻ പ്രഫ.പി.ജെ. കുര്യൻ, മന്ത്രി മാത്യു ടി. തോമസ് തുടങ്ങിയവരും യോഗത്തിൽ പങ്കെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.