ഉസ്താദ് സക്കീർ ഹുസൈൻ ഇന്നു തൃശൂരിൽ : Deepika.com Kerala News |

Click here for detailed news of all items

ഉസ്താദ് സക്കീർ ഹുസൈൻ ഇന്നു തൃശൂരിൽ

Saturday, February 18, 2017 2:28 PM IST

തൃശൂർ: താളവാദ്യത്തിന്‍റെ താരരാജാവായ തബലിസ്റ്റ് ഉസ്താദ് സക്കീർ ഹുസൈൻ ഇന്നു തൃശൂരിൽ. മേളഗ്രാമമായ പെരുവനത്തേക്കാണ്അദ്ദേഹം എത്തുക. കേളിയുടെ ആഭിമുഖ്യത്തിൽ ഇന്നു വൈകുന്നേരം ആറിനു ചേർപ്പ് സി.എൻ. ബോയ്സ് സ്കൂളിൽ നടക്കുന്ന വാർഷികാഘോഷ പരിപാടികളിൽ പങ്കെടുക്കാനാണ് തബലയിൽ താളപ്പെരുക്കങ്ങളുടെ മായികപ്രപഞ്ചം സൃഷ്‌ടിക്കുന്ന ഉസ്താദ് എത്തുന്നത്. ഉസ്താദിന്‍റെ തബലക്കച്ചേരി, ഉസ്താദും മട്ടന്നൂർ ശങ്കരൻകുട്ടി മാരാരും ചേർന്നുള്ള തബല-ചെണ്ട ലയവിന്യാസം തുടങ്ങി താളമേളലയ ഘോഷങ്ങൾ ആസ്വാദക ഹൃദയം കവരുന്ന അത്യപൂർവ വിരുന്നാകും.

ഇന്നുരാവിലെ ഒമ്പതിനു കൊച്ചിയിലെത്തുന്ന സാക്കിർ ഹുസൈൻ ഹോട്ടലിൽ വിശ്രമിച്ചശേഷം മട്ടന്നൂർ ശങ്കരൻകുട്ടി മാരാരുമായി ലയവിന്യാസത്തിൽ മുന്നൊരുക്കം നടത്തും. വൈകുന്നേരം നാലരയോടെ ചേർപ്പിലെത്തും. ആറുമണിക്കുപഞ്ചവാദ്യത്തിന്‍റെ അകമ്പടിയിൽ വേദിയിലേക്ക് ആനയിക്കും.

വി.കെ.കെ. ഹരിഹരന്‍റെ മിഴാവ് ഒച്ചപ്പെടുത്തലോടെ തുടങ്ങുന്ന സമ്മേളനത്തിൽ പെരുവനം കുട്ടൻമാരാരുടെ പ്രമാണത്തിൽ പാണ്ടിമേളമുണ്ടാകും. തുടർന്നു പെരുവനം ഗ്രാമം; ചരിത്രം കലയിലൂടെ എന്ന പദ്ധതിയുടെ ഉദ്ഘാടനം സാക്കിർ ഹുസൈൻ നിർവഹിക്കും. ചടങ്ങിൽ പദ്മശ്രീ പെരുവനം കുട്ടൻമാരുടെ നേതൃത്വത്തിൽ ഉസ്താദിനു വീരശൃംഖല സമർപ്പിക്കും. 7.15നാണ് ഉസ്താദിന്‍റെ തബലക്കച്ചേരി. സാരംഗി കലാകാരൻ ദിൽഷാദ് ഖാനും പങ്കെടുക്കും. കച്ചേരിക്കുശേഷമാണ് മട്ടന്നൂരിനൊപ്പമുള്ള ലയവിന്യാസം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.