സംസ്ഥാനതല പഞ്ചായത്ത് ദിനാഘോഷം സമാപിച്ചു : Deepika.com Kerala News |

Click here for detailed news of all items

സംസ്ഥാനതല പഞ്ചായത്ത് ദിനാഘോഷം സമാപിച്ചു

Sunday, February 19, 2017 1:56 PM IST

കണ്ണൂർ: കഴിഞ്ഞ രണ്ടു ദിവസമായി കണ്ണൂരിൽ നടന്നുവന്ന സംസ്ഥാനതല പഞ്ചായത്ത് ദിനാഘോഷം സമാപിച്ചു. സമാപന സമ്മേളനം മന്ത്രി കടന്നപ്പള്ളി രാമചന്ദ്രൻ ഉദ്ഘാടനം ചെയ്തു. പി.കെ. ശ്രീമതി എംപി അധ്യക്ഷത വഹിച്ചു. ഓരോ പഞ്ചായത്തുകളും ആംഗൻവാടികൾക്കായി 10 ലക്ഷം രൂപ മാറ്റിവയ്ക്കേണ്ടതുണ്ടെന്ന് ശ്രീമതി പറഞ്ഞു.

സമ്മേളനത്തിൽ മികച്ച പഞ്ചായത്തുകൾക്കുള്ള പുരസ്കാരങ്ങളും വിവിധ മത്സര വിജയികൾക്കുള്ള പുരസ്കാരങ്ങളും വിതരണം ചെയ്തു. മന്ത്രി രാമചന്ദ്രൻ കടന്നപ്പള്ളി, പി.കെ. ശ്രീമതി എംപി, ചീഫ് സെക്രട്ടറി എം.എസ്. വിജയാനന്ദ്, പഞ്ചായത്ത് ഡയറക്ടർ പി. ബാലകിരണ്‍ എന്നിവർ പുരസ്കാരങ്ങൾ വിതരണം ചെയ്തു. ജില്ലാ പഞ്ചായത്ത് പ്രസിഡന്‍റ് കെ.വി. സുമേഷ്, പഞ്ചായത്ത് ഡെപ്യൂട്ടി ഡയറക്ടർ എം.എസ്. നാരായണൻ നമ്പൂതിരി തുടങ്ങിയവർ ചടങ്ങിൽ പങ്കെടുത്തു.

പഞ്ചായത്ത് ദിനാഘോഷത്തിന്‍റെ ഭാഗമായി നടന്ന ക്വിസ് മത്സരത്തിൽ മലപ്പുറം അങ്ങാടിപ്പുറം ഗ്രാമപഞ്ചായത്ത് ഒന്നാം സ്ഥാനവും കണ്ണൂർ ചെമ്പിലോട് ഗ്രാമപഞ്ചായത്ത് രണ്ടാം സ്ഥാനവും നേടി. തൃശൂർ വെങ്കിടങ്ങ് ഗ്രാമപഞ്ചായത്തിനാണ് മൂന്നാം സ്ഥാനം. ഉപന്യാസ രചനാ മത്സരത്തിൽ പാലക്കാട് ചലവറ എച്ച്എസ്എസിലെ എൻ.ആർ. നന്ദ ഒന്നാം സ്ഥാനവും ഗുരുവായൂർ ലിറ്റിൽ ഫ്ളവർ എച്ച്എസ്എസിലെ ഐശ്വര്യ രണ്ടാം സ്ഥാനവും തൃശൂർ തലോർ എച്ച്എസ്എസിലെ മെറിറ്റ ഷാജു മൂന്നാം സ്ഥാനവും നേടി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.