അഞ്ചു സ്പിന്നിംഗ് മില്ലുകള്‍ തുറന്നു : Deepika.com Kerala News |

Click here for detailed news of all items

അഞ്ചു സ്പിന്നിംഗ് മില്ലുകള്‍ തുറന്നു

Monday, February 20, 2017 4:31 PM IST

തിരുവനന്തപുരം: ദീര്‍ഘകാലമായി പൂട്ടിക്കിടന്ന എട്ടു പൊതുമേഖലാ സഹകരണ സ്പിന്നിംഗ് മില്ലുകളില്‍ അഞ്ചു മില്ലുകള്‍ തിങ്കളാഴ്ച തുറന്നു. മൂന്നു മില്ലുകള്‍ ഈ മാസം 22 നു തുറന്നു പ്രവര്‍ത്തിക്കും.

ലേഓഫിലായ പ്രഭുറാം മില്‍സ് ചെങ്ങന്നൂര്‍, കോട്ടയം ടെക്സ്റ്റയില്‍സ്ഏറ്റുമാനൂര്‍, എടരിക്കോട് സ്പ്ന്നിംഗ് മില്‍സ് മലപ്പുറം, മലബാര്‍ സ്പിന്നിംഗ് മില്‍സ് കോഴിക്കോട്, തൃശൂര്‍ കോ-ഓപ്പറേറ്റീവ് സ്പിന്നിംഗ് മില്‍ എന്നിവയാണു തുറന്നത്. ആലപ്പുഴ കോമളപുരം സ്പിന്നിംഗ് മില്‍, തൃശൂര്‍ സീതാറാം സ്പിന്നിംഗ് മില്‍, ബാലരാമപുരം സ്പിന്നിംഗ് മില്‍ എന്നിവ ഈ മാസം 22 ന് തുറക്കാനുള്ള നടപടിക്രമങ്ങളും പൂര്‍ത്തിയായി. മില്ലുകള്‍ പ്രവര്‍ത്തിപ്പിക്കുന്നതിനാവശ്യമായ കോട്ടണ്‍ സിസിപിസി മുഖേന ഇ ടെൻഡർ വഴി വാങ്ങും.

തൊഴിലാളികളുടെ ഡിസംബര്‍ മാസം വരെയുള്ള ശമ്പള കുടിശികയുടെ 50 ശതമാനം നല്‍കാനും മില്ലുകളുടെ അറ്റകുറ്റപ്പണിക്കും വേണ്ടി 18.5 കോടി രൂപ കഴിഞ്ഞ ദിവസം അനുവദിച്ചിരുന്നു. മില്ലുകൾ തുറക്കുന്നതുമായി ബന്ധപ്പെട്ടു മാനേജിംഗ് ഡയറക്ടര്‍മാരുടെ യോഗം വ്യവസായ മന്ത്രി എ.സി. മൊയ്തീന്‍ കഴിഞ്ഞ ആഴ്ച വിളിച്ചു ചേര്‍ത്തിരുന്നു. ലേ ഓഫീലായ സ്പിന്നിംഗ് മില്ലുകള്‍ തുറക്കുമെന്നത് എല്‍ഡിഎഫ് സര്‍ക്കാരിന്‍റെ പ്രകടന പത്രികയിലെ വാഗ്ദാനങ്ങളിലൊന്നായിരുന്നു. മില്ലുകള്‍ തുറന്നതു നൂറുക്കണക്കിനു തൊഴിലാളി കുടുംബങ്ങള്‍ക്ക് ആശ്വാസമാകും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.