വൈദികന്‍റെ മോചനത്തിനു കേന്ദ്രസർക്കാർ ഇടപെടണം: ഫ്രാൻസിസ് ജോർജ് : Deepika.com Kerala News |

Click here for detailed news of all items

വൈദികന്‍റെ മോചനത്തിനു കേന്ദ്രസർക്കാർ ഇടപെടണം: ഫ്രാൻസിസ് ജോർജ്

Tuesday, February 21, 2017 3:29 PM IST

മഞ്ചേരി: യമനിൽ ഭീകരർ തട്ടിക്കൊണ്ടുപോയ ഫാ. ടോം ഉഴുന്നാലിലിന്‍റെ മോചനത്തിന് കേ ന്ദ്രസർക്കാർ ഫലപ്രദമായി ഇടപെടണമെന്ന് മുൻ എംപിയും ജനാധിപത്യ കേരള കോണ്‍ഗ്രസ് ചെയർമാനുമായ ഫ്രാൻസിസ് ജോർജ്. ഇക്കാര്യത്തിൽ തികഞ്ഞ അലംഭാവമാണ് മോദി സർക്കാർ അനുവർത്തിക്കുന്നത്.

വൃദ്ധ സദനത്തിൽ സഹായിയായി എത്തിയ വൈദികനെയാണ് തട്ടിക്കൊണ്ടു പോയത്. വൈദികന്‍റെ മോചനത്തിനു പ്രധാനമന്ത്രി നരേന്ദ്രമോദിയോ വിദേശകാര്യമന്ത്രിയോ ഇതുവരെ ചെറുവിരലനക്കിയിട്ടില്ലെന്നും അദ്ദേഹം പറഞ്ഞു.

മഞ്ചേരിയിൽ നടന്ന ജനാധിപത്യ കേരള കോണ്‍ഗ്രസ് മലപ്പുറം ജില്ലാ നേതൃസംഗമം ഉദ്ഘാടനം ചെയ്യാനെത്തിയ ഫ്രാൻസിസ് ജോർജ് മാധ്യമ പ്രവർത്തകരുമായി സംസാരിക്കുകയായിരുന്നു. ഇക്കാര്യത്തിൽ ജനാധിപത്യ കേരള കോണ്‍ഗ്രസ് മാർച്ച് മൂന്നിനു പാലായിലെ രാമപുരത്ത് നിരാഹാര സമരം സംഘടിപ്പിക്കും.

ആസിയാൻ കരാറിൽ നിന്ന് കേന്ദ്രം പിന്മാറണം തുടങ്ങി വിവിധ ആവശ്യങ്ങളുന്നയിച്ച് പാർട്ടി ഏപ്രിൽ മാസം കാസർഗോഡു നിന്ന് തിരുവനന്തപുരത്തേക്ക് മലയോര സംരക്ഷണ ജാഥ സംഘടിപ്പിക്കും. യുവനടിക്കെതിരെയുണ്ടായ ആക്രമണം കേരളത്തിലെ സാമൂഹിക ജീവിതത്തിനേറ്റ ആഘാതമാണ്. സംസ്ഥാനത്തെ ക്രമസമാധാനം തകർന്നു എന്ന് ഇതിനർഥമില്ലെന്നും അദ്ദേഹം പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.