സർക്കാരുകൾ നിഷേധാത്മക നിലപാടുകൾ തിരുത്തണം: മാർ നീലങ്കാവിൽ : Deepika.com Kerala News |

Click here for detailed news of all items

സർക്കാരുകൾ നിഷേധാത്മക നിലപാടുകൾ തിരുത്തണം: മാർ നീലങ്കാവിൽ

Thursday, February 23, 2017 3:16 PM IST

തൃശൂർ: വിദ്യാഭ്യാസ രംഗത്തെ പ്രശ്നങ്ങൾ പരിഹരിക്കുന്നതിൽ കേന്ദ്ര - സംസ്ഥാന സർക്കാരുകളുടെ നിഷേധാത്മക നിലപാടുകൾ തിരുത്തണമെന്നു ബിഷപ് മാർ ജോസഫ് പാസ്റ്റർ നീലങ്കാവിൽ ആവശ്യപ്പെട്ടു. കേരള കാത്തലിക് ടീച്ചേഴ്സ് ഗിൽഡ് സംസ്ഥാന സമ്മേളനത്തിനു തുടക്കം കുറിച്ച് പതാക ഉയർത്തി പ്രസംഗിക്കുകയായിരുന്നു മാർ നീലങ്കാവിൽ.
സംസ്ഥാന പ്രസിഡന്‍റ് ജോഷി വടക്കൻ അധ്യക്ഷത വഹിച്ചു. ജനറൽ സെക്രട്ടറി സാലു പതാലിൽ, തൃശൂർ അതിരൂപത കോർപറേറ്റ് മാനേജർ ഫാ. ആന്‍റണി ചെമ്പകശേരി, എസ്.ഡി.ജോസ്, പി.ഡി.വിൻസന്‍റ്, ബിജു പി.ആന്‍റണി, ബാബു ജോസ് തട്ടിൽ, വർഗീസ് തോമസ്, ജോർജ് രത്നം, ജോഫി മഞ്ഞളി, ഡി.ആർ. ജോസ്, കെ.എഫ്. ബാബു, മാത്യു ജോസഫ് തുടങ്ങിയവർ പ്രസംഗിച്ചു.

സമ്മേളനത്തോടനുബന്ധിച്ചുള്ള പ്രതിനിധിസമ്മേളനം അതിരൂപത വികാരി ജനറാൾ മോണ്‍. തോമസ് കാക്കശേരി ഉദ്ഘാടനം ചെയ്തു. സംസ്ഥാന വൈസ് പ്രസിഡന്‍റ് പോൾ ജയിംസ് അധ്യക്ഷത വഹിച്ചു. ജോസഫ് കെ. നെല്ലുവേലി, സി.ടി. വർഗീസ് എന്നിവർ വിവിധ വിഷയങ്ങൾ അവതരിപ്പിച്ചു.

ഇന്നു രാവിലെ 9.30ന് സേക്രഡ് ഹാർട്ട് ഹയർ സെക്കൻഡറി സ്കൂളിൽനിന്നും അധ്യാപക റാലി ആരംഭിക്കും. തുടർന്ന് തൃശൂർ സെന്‍റ് തോമസ് കോളജ് അങ്കണത്തിൽ ചേരുന്ന അധ്യാപക സമ്മേളനം കെസിബിസി വിദ്യാഭ്യാസ കമ്മീഷൻ ചെയർമാൻ ആർച്ച്ബിഷപ് മാർ ആൻഡ്രൂസ് താഴത്ത് ഉദ്ഘാടനം ചെയ്യും. സംസ്ഥാന പ്രസിഡന്‍റ് ജോഷി വടക്കൻ അധ്യക്ഷത വഹിക്കും. കെസിബിസി വിദ്യാഭ്യാസ കമ്മീഷൻ വൈസ് ചെയർമാനും തിരുവനന്തപുരം മലങ്കര അതിരൂപത സഹായമെത്രാനുമായ ഡോ. സാമുവേൽ മാർ ഐറേനിയോസ് അനുഗ്രഹ പ്രഭാഷണം നടത്തും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.