കോടതിയിൽ കയറി പൾസർ സുനിയെ പിടിക്കേണ്ടി വന്നത് നാണക്കേട്: ചെന്നിത്തല : Deepika.com Kerala News |

Click here for detailed news of all items

കോടതിയിൽ കയറി പൾസർ സുനിയെ പിടിക്കേണ്ടി വന്നത് നാണക്കേട്: ചെന്നിത്തല

Thursday, February 23, 2017 3:54 PM IST

തിരുവനന്തപുരം: നടിയെ ആക്രമിച്ച കേസിലെ പ്രതി പൾസർ സുനിയെ പിടികൂടാൻ കഴിഞ്ഞത് ഭാഗ്യമാണെങ്കിലും കോടതിയിൽ കയറി പിടിക്കേണ്ടിവന്നത് പോലീസിന് തികച്ചും നാണക്കേടാണെന്ന് പ്രതിപക്ഷനേതാവ് രമേശ് ചെന്നിത്തല. കേരള പോലീസിനെ സംബന്ധിച്ച് ഒട്ടും അഭിമാനാർഹമായ നടപടിയൊന്നുമല്ല കോടതി മുറിയിൽ നിന്നു പ്രതിയെ പിടികൂടിയത്. കുറ്റാന്വേഷണത്തിലെ പിഴവിനെയാണിതു ചൂണ്ടിക്കാട്ടുന്നതെന്ന് അദ്ദേഹം പറഞ്ഞു.

പോലീസ് സംവിധാനത്തിലെ പാളിച്ചയെന്നു സുധീരൻ

തിരുവനന്തപുരം: നടി ആക്രമിക്കപ്പെട്ട കേസിലെ പ്രതികളെ പിടികൂടാനായി പോലീസ് വ്യാപക തെരച്ചിൽ നടത്തുമ്പോഴും പ്രതികൾ കോടതിയിൽ എത്തിയതു പോലീസ് സംവിധാനത്തിലെ പാളിച്ചയാണു വ്യക്തമാക്കുന്നതെന്നു കെപിസിസി പ്രസിഡന്‍റ് വി.എം. സുധീരൻ പ്രതികരിച്ചു.

മുൻകൂട്ടി തയാറാക്കിയ തിരക്കഥയെന്ന് എ.എൻ. രാധാകൃഷ്ണൻ

ആലപ്പുഴ: നടിയെ തട്ടിക്കൊണ്ടുപോയ സംഭവത്തിലെ മുഖ്യപ്രതി പൾസർ സുനിയുടെ കീഴടങ്ങൽ മുൻകൂട്ടി തയാറാക്കിയ തിരക്കഥയുടെ ഭാഗമാണെന്ന് ബിജെപി സംസ്ഥാന ജനറൽ സെക്രട്ടറി എ.എൻ. രാധാകൃഷ്ണൻ.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.