ഡോ. യൂഹാനോൻ മാർ ദിയസ്കോറോസ് സുന്നഹദോസ് സെക്രട്ടറി : Deepika.com Kerala News |

Click here for detailed news of all items

ഡോ. യൂഹാനോൻ മാർ ദിയസ്കോറോസ് സുന്നഹദോസ് സെക്രട്ടറി

Thursday, February 23, 2017 3:54 PM IST

കോട്ടയം: മലങ്കര ഓർത്തഡോക്സ് സുറിയാനി സഭയുടെ സുന്നഹദോസ് സെക്രട്ടറിയായി ഡോ. യൂഹാനോൻ മാർ ദിയസ്കോറോസിനെ തെരഞ്ഞെടുത്തു. ദേവലോകം കാതോലിക്കേറ്റ് അരമനയിൽ നടന്ന സുന്നഹദോസിലാണു മാർ ദീയസ്കോറോസിനെ തെരഞ്ഞെടുത്തത്. ബസേലിയോസ് മാർത്തോമ പൗലോസ് ദ്വിതീയൻ കാതോലിക്ക ബാവാ അധ്യക്ഷതവഹിച്ചു.

യുവജനപ്രസ്ഥാനം പ്രസിഡന്‍റായി യൂഹാനോൻ മാർ ക്രിസോസ്റ്റമോസ്, സൺഡേ സ്കൂൾ പ്രസിഡന്‍റായി ഗബ്രിയേൽ മാർ ഗ്രീഗോറിയോസ്, എംജിഒസിഎസ്എം പ്രസിഡന്‍റായി സഖറിയ മാർ അപ്രേം, ഇന്‍റർചർച്ച് റിലേഷൻസ് പ്രസിഡന്‍റായി മാർ നിക്കോളവാസ്, എംഡി കോർപ്പറേറ്റ് സ്കൂൾ മാനേജരായി യൂഹാനോൻ മാർ മിലിത്തിയോസ്, എംഒസി കോളജ് മാനേജരായി ഡോ. തോമസ് മാർ അത്താനാസിയോസ്, എംഒസി പബ്ലിക്കേഷൻസ് പ്രസിഡന്‍റായി ഡോ. മാത്യൂസ് മാർ തീമോത്തിയോസ്, പ്രാർഥനായോഗം പ്രസിഡന്‍റായി എബ്രഹാം മാർ എപ്പിഫാനിയോസ്, വൈദികസംഘം പ്രസിഡന്‍റായി ഡോ. മാത്യൂസ് മാർ സേവേറിയോസ്, മർത്തമറിയം സമാജം പ്രസിഡന്‍റായി യൂഹാനോൻ മാർ പോളിക്കർപ്പോസ്, സണ്‍ഡേസ്കൂൾ ബാഹ്യകേരള വിഭാഗത്തിന്‍റെ പ്രസിഡന്‍റായി എബ്രഹാം മാർ സെറാഫിം, മിഷൻ ബോർഡ് പ്രസിഡന്‍റായി യൂഹാനോൻ മാർ തേവോദോറോസ്, മലങ്കരസഭ മാസികയുടെ എഡിറ്റോറിയൽ ബോർഡ് പ്രസിഡന്‍റായി ഡോ. ഗീവർഗീസ് മാർ യൂലിയോസ്, ഭവന നിർമാണ പദ്ധതി പ്രസിഡന്‍റായി എബ്രഹാം മാർ സെറാഫിം എന്നിവരെയും തെരഞ്ഞെടുത്തു. ചൊവാഴ്ച ആരംഭിച്ച സുന്നഹദോസ് ഇന്നു സമാപിക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.