സ്ത്രീസുരക്ഷ: പ്രതിപക്ഷം ചോദ്യോത്തരം ബഹിഷ്കരിച്ചു : Deepika.com Kerala News |

Click here for detailed news of all items

സ്ത്രീസുരക്ഷ: പ്രതിപക്ഷം ചോദ്യോത്തരം ബഹിഷ്കരിച്ചു

Monday, February 27, 2017 2:58 PM IST

തിരുവനന്തപുരം: സ്ത്രീ സുരക്ഷ അതീവ ഗുരുതരാവസ്ഥയിലായിരിക്കുന്ന പശ്ചാത്തലത്തിൽ ചോദ്യോത്തര വേള നിർത്തിവച്ച് ഈ വിഷയം ചർച്ചചെയ്യണമെന്ന പ്രതിപക്ഷ ആവശ്യം അംഗീകരിച്ചില്ല. തുടർന്ന് പ്രതിപക്ഷം ചോദ്യോത്തര വേള ബഹിഷ്കരിച്ചു.
ഇന്നലെ സഭാ നടപടികൾ ആരംഭിച്ചപ്പോൾ തന്നെ പ്രതിപക്ഷാംഗങ്ങൾ ബാനറുകളുമായാണ് സഭയിൽ എത്തിയത്. പി.ടി. തോമസ് നല്കിയിട്ടുള്ള അടിയന്തര പ്രമേയം ചർച്ച ചെയ്യണമെന്നു പ്രതിപക്ഷ നേതാവ് ആവശ്യപ്പെട്ടു. എന്നാൽ, ഈ ആവശ്യം സ്പീക്കർ നിഷേധിച്ചു. ഇതോടെ പ്രതിപക്ഷത്തെ യുവ എംഎൽഎമാർ സ്പീക്കറുടെ ഡയസിനു മുന്നിലെത്തി മുദ്രാവാക്യം വിളിച്ചു.

സഭാനടപടികൾ പാലിക്കാതെയുള്ള പ്രതിപക്ഷത്തിന്‍റെ പെരുമാറ്റം ശരിയല്ലെന്നും കർഷകരുടെ വിഷയങ്ങൾ ചർച്ച ചെയ്യുന്ന സമയത്ത് പ്രതിപക്ഷത്തിന്‍റെ നിസഹകരണം അംഗീകരിക്കാനാകില്ലെന്നും ചോദ്യോത്തരവുമായി ബന്ധമില്ലാത്ത കാര്യങ്ങൾ പ്രതിപക്ഷനേതാവിനു സംസാരിക്കാനാകില്ലെന്നും സ്പീക്കർ അറിയിച്ചു. ഇതോടെ പ്രതിപക്ഷാംഗങ്ങൾ മുദ്രാവാക്യം വിളിയോടെ സഭയ്ക്കു പുറത്തേക്കുപോയി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.