പാലാ: സിവിൽ സർവീസസ് മെയിൻ പരീക്ഷ പാസായ ഉദ്യോഗാർഥികൾക്ക് വേണ്ടി പാലാ സിവിൽ സർവീസസ് ഇൻസ്റ്റിറ്റ്യൂട്ടിന്റെ തിരുവനന്തപുരം കാന്പസിൽ ഇന്റർവ്യൂ പരിശീലനം നടത്തും. നാളെ മുതൽ ആറു വരെ തീയതികളിൽ ഒന്നാംഘട്ടം പരിശീലനവും 19 ന് രണ്ടാംഘട്ടവും ഏപ്രിൽ ഒന്ന്, രണ്ട് തീയതികളിൽ അവസാനഘട്ട പരിശീലനവും നടക്കും.
നാളെ രാവിലെ 10.30 ന് തിരുവനന്തപുരം ലൂർദ് സെന്ററിൽ പരിശീലനപരിപാടി മുൻ കാബിനറ്റ് സെക്രട്ടറി കെ.എം. ചന്ദ്രശേഖർ ഉദ്ഘാടനം ചെയ്യും. എല്ലാ ദിവസവും വിദഗ്ധരുടെ ക്ലാസുകളും പ്രമുഖരായ സിവിൽ സർവീസ് ഉദ്യോഗസ്ഥരും സബ്ജറ്റ് എക്സ്പേർട്ടുകളും അടങ്ങിയ പാനൽ നടത്തുന്ന മോഡൽ ഇന്റർവ്യൂ പ്രോഗ്രാമും ഉണ്ടായിരിക്കും. മുൻ അംബാസിഡർ ടി.പി. ശ്രീനിവാസൻ, മുൻ ഡിജിപി ഡോ. അലക്സാണ്ടർ പി. ജേക്കബ്, മുൻ അഡീഷണൽ ചീഫ് സെക്രട്ടറിമാരായ ടി. ബാലകൃഷ്ണൻ, ജോയി ഉമ്മൻ, പ്രിൻസിപ്പൽ സെക്രട്ടറിമാരായ പി.എച്ച്. കുര്യൻ, ജയിംസ് വർഗീസ്, ടി.കെ. ജോസ്, എഡിജിപി ഡോ. ബി. സന്ധ്യ, വിവിധ വകുപ്പുകളുടെ ഡയറക്ടർമാരായ എസ്. ഹരികിഷോർ, ടി.വി. അനുപമ, സുഹാസ്, സത്യജിത്ത് രാജൻ, എസ്. സുബ്യ്രഹ്മണ്യം , കൊല്ലം സബ്കളക്ടർ എസ്. ചിത്ര, മുൻ സിവിൽ സർവീസ് ഉദ്യോഗസ്ഥരായ പി.ടി. അരുണ്, രമ്യാ റോഷ്ണി തുടങ്ങിയവർ പരിശീലനത്തിന് നേതൃത്വം നൽകും.
താത്പര്യമുള്ളവർ ബന്ധപ്പെട്ട രേഖകൾ സഹിതം അപേക്ഷിക്കണം. പരിശീലനം പൂർണമായും സൗജന്യമായിരിക്കും. ഫോൺ: 004712302780, 9447421011, 9496469672.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.