എൽഎസ്എസ്- യുഎസ്എസ് സ്കോളർഷിപ്പ് തുക വർധിപ്പിക്കുന്നതു പരിഗണനയിലെന്നു മന്ത്രി : Deepika.com Kerala News |

Click here for detailed news of all items

എൽഎസ്എസ്- യുഎസ്എസ് സ്കോളർഷിപ്പ് തുക വർധിപ്പിക്കുന്നതു പരിഗണനയിലെന്നു മന്ത്രി

Tuesday, February 28, 2017 3:16 PM IST

തിരുവനന്തപുരം: എൽഎസ്എസ്- യുഎസ്എസ് സ്കോളർഷിപ്പ് തുക വർധിപ്പിക്കുന്നതു സർക്കാരിന്‍റെ സജീവ പരിഗണനയിലുണ്ടെന്നു വിദ്യാഭ്യാസ മന്ത്രി പ്രഫ. സി. രവീന്ദ്രനാഥ് നിയമസഭയെ അറിയിച്ചു. നിലവിൽ 200 രൂപ, 300 രൂപ വീതം മൂന്നു വർഷമാണു സ്കോളർഷിപ്പ് നൽകുന്നത്. ഉയർന്ന ചിന്താശേഷി കൂടി പരിശോധിക്കുന്നതിനുള്ള ചോദ്യങ്ങൾ കൂടി ഉൾപ്പെടുത്തുമെന്നും എം. ഉമ്മറിന്‍റെ സബ്മിഷനു മറുപടിയായി മന്ത്രി അറിയിച്ചു.

മലപ്പുറം ഗവണ്‍മെന്‍റ് വനിതാ ആർട്സ് ആൻഡ് സയൻസ് കോളജിനു പാണക്കാട് വില്ലേജിൽ ഇൻകലിന്‍റെ കൈവശമുള്ള അഞ്ചേക്കർ ഭൂമി വിട്ടു നൽകിയിട്ടുണ്ടെന്നും ഇതിന്‍റെ സാങ്കേതിക നടപടിക്രമങ്ങൾ പൂർത്തിയാക്കാനുള്ള നടപടികൾ മലപ്പുറം ജില്ലാ കളക്ടറുടെ നേതൃത്വത്തിൽ നടന്നു വരികയാണെന്നും വിദ്യാഭ്യാസ മന്ത്രി അറിയിച്ചു. അധ്യാപക- അനധ്യാപക തസ്തികകൾ സൃഷ്ടിക്കുന്നതിനുള്ള നടപടികളും സർക്കാർ തലത്തിൽ നടന്നു വരികയാണെന്നും പി. ഉബൈദുള്ളയുടെ സബ്മിഷനു മറുപടിയായി മന്ത്രി അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.