മിൽമ എറണാകുളം മേഖലാ യൂണിയൻ ഇൻസെന്‍റീവ് നൽകും : Deepika.com Kerala News |

Click here for detailed news of all items

മിൽമ എറണാകുളം മേഖലാ യൂണിയൻ ഇൻസെന്‍റീവ് നൽകും

Tuesday, February 28, 2017 3:34 PM IST

കൊച്ചി: മിൽമ എറണാകുളം മേഖലാ യൂണിയൻ മാർച്ച് മാസത്തിൽ ക്ഷീരകർഷകർക്കു ലിറ്ററിനു രണ്ടു രൂപ വീതവും ക്ഷീരസംഘങ്ങൾക്കു ലിറ്ററിന് ഒരു
രൂപ വീതവും ഇൻസെന്‍റീവ് നൽകുമെന്ന് മേഖലാ യൂണിയൻ ചെയർമാൻ പി.എ. ബാലൻ മാസ്റ്റർ അറിയിച്ചു.

ഇതിനു പുറമേ ക്ഷീരസംഘങ്ങൾക്ക് മേഖലാ യൂണിയനിലുള്ള ഓഹരി സംഖ്യ വർധിപ്പിക്കുന്നതിനു വേണ്ടി ഒരു രൂപ വീതം വേറെയും നൽകും. ക്ഷീരസംഘങ്ങൾക്ക് യൂണിയനിലുള്ള ഓഹരിയുടെ അടിസ്ഥാനത്തിലാണ് ഡിവിഡന്‍റ് അനുവദിക്കുക. ഡിസംബർ മുതൽ കർഷകർക്ക് നൽകിയിരുന്ന ഇൻസെന്‍റീവ് മാർച്ച് മാസത്തിലും നൽകാനാണ് തീരുമാനിച്ചിരിക്കുന്നത്.

കഴിഞ്ഞമാസം 11 മുതൽ മിൽമ ലിറ്ററിന് നാലു രൂപ വില വർധിപ്പിച്ചപ്പോൾ ഏറ്റവും കുറഞ്ഞതു മൂന്നു രൂപ 35 പൈസ ക്ഷീരകർഷകർക്കും 32 പൈസ ക്ഷീരസംഘങ്ങൾക്കും നൽകുകയുണ്ടായി. എന്നാൽ, ഗുണമേൻമയ്ക്കനുസരിച്ച് ക്ഷീരകർഷകർക്ക് വർധിപ്പിച്ച വിലയേക്കാൾ അധികം വില ലഭിക്കുമെന്നും ചെയർമാൻ അറിയിച്ചു. അതായത് നാലു ശതമാനം കൊഴുപ്പും 8.3 ശതമാനം കൊഴുപ്പിതര ഖര പദാർഥങ്ങളുമുള്ള പാലിന് കർഷകർക്ക് മൂന്നു രൂപ 95 പൈസ അധികമായി ലഭിക്കും. ഇത്തരത്തിലുള്ള ഗുണനിലവാരമുള്ള പാലാണു കർഷകരിൽ നിന്നു കൂടുതലായി സംഘങ്ങളിൽ ലഭിക്കുന്നത്. മിൽമ കാലിത്തീറ്റയ്ക്ക് മാർച്ച് മാസത്തിൽ ചാക്കൊന്നിന് 100 രൂപ വീതം സബ്സിഡി നൽകുമെന്നും ചെയർമാൻ അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.