Kerala News
പാറന്പുഴ കൂട്ടക്കൊല : പ്രതിക്കു വധശിക്ഷ
പാറന്പുഴ കൂട്ടക്കൊല : പ്രതിക്കു വധശിക്ഷ
Tuesday, March 21, 2017 2:34 PM IST
കോ​ട്ട​യം: പാ​റ​ന്പു​ഴ കൂ​ട്ട​ക്കൊ​ല​ക്കേ​സി​ൽ പ്ര​തി ഇ​ത​ര സം​സ്ഥാ​ന തൊ​ഴി​ലാ​ളി​യാ​യ ന​രേ​ന്ദ​ർ കു​മാ​റി​നു (30) വ​ധ​ശി​ക്ഷ. പു​റ​മേ നാ​ലു വ​കു​പ്പു​ക​ളി​ലാ​യി ര​ണ്ടു ജീ​വ​പ​ര്യ​ന്ത​ം തടവും ഒ​ന്പ​തു വ​ർ​ഷം ത​ട​വും 75,000 രൂ​പ പി​ഴ​യും കൂടി ശി​ക്ഷി​ച്ചി​ട്ടു​ണ്ട്. ശി​ക്ഷ​യെ​ല്ലാം ഒ​രേ കാ​ല​യ​ള​വി​ൽ അ​നു​ഭ​വി​ച്ചാ​ൽ മ​തി​യാ​കും. പാ​റ​ന്പു​ഴ മൂ​ലേ​പ്പ​റ​ന്പി​ൽ ലാ​ല​സ​ൻ (71), ഭാ​ര്യ പ്ര​സ​ന്ന​കു​മാ​രി (62), മ​ക​ൻ പ്ര​വീ​ണ്‍ ലാ​ൽ (28) എ​ന്നി​വ​രെ കൊ​ല​പ്പെ​ടു​ത്തി​യ കേ​സി​ലാ​ണ് ഉ​ത്ത​ർ​പ്ര​ദേ​ശി​ലെ ഫി​റോ​സാ​ബാ​ദ് സ്വ​ദേ​ശി​യാ​യ ന​രേ​ന്ദ​ർ ​കു​മാ​റി​നു കോ​ട്ട​യം ജി​ല്ലാ കോ​ട​തി പ്രി​ൻ​സി​പ്പ​ൽ ജ​ഡ്ജി എ​സ്. ശാ​ന്ത​കു​മാ​രി ഇ​ന്ന​ലെ ശി​ക്ഷ പ്ര​ഖ്യാ​പി​ച്ച​ത്.

ഐ​പി​സി 302 (കൊ​ല​പാ​ത​കം) വ​കു​പ്പ​നു​സ​രി​ച്ചാ​ണ് വ​ധ​ശി​ക്ഷ വി​ധി​ച്ചി​രി​ക്കു​ന്ന​ത്. 397 (മോ​ഷ​ണ​ത്തി​നാ​യി ഗു​രു​ത​ര​മാ​യി പ​രിക്കേ​ൽ​പ്പി​ക്ക​ൽ), 457 (കു​റ്റം ചെ​യ്യാ​നു​ള്ള ഉ​ദ്ദേ​ശ്യ​ത്തോ​ടെ അ​തി​ക്ര​മി​ച്ചു ക​ട​ക്ക​ൽ) എ​ന്നി​വ​യ്ക്കു വെ​വ്വേ​റെ ജീ​വ​പ​ര്യ​ന്തവും ഐ​പി​സി 380 (മോ​ഷ​ണം) പ്ര​കാ​രം ഏ​ഴു വ​ർ​ഷം ത​ട​വും 50,000 രൂ​പ പി​ഴ​യു​മാ​ണ് ശി​ക്ഷ. പി​ഴ​യൊ​ടു​ക്കി​യി​ല്ലെ​ങ്കി​ൽ ര​ണ്ടു വ​ർ​ഷം​കൂ​ടി ത​ട​വ് അ​നു​ഭ​വി​ക്ക​ണം. ഐ​പി​സി 461 (വീ​ടി​നു​ള്ളി​ൽ അ​തി​ക്ര​മി​ച്ചു ക​യ​റി ക​രു​ത​ൽ സ്വ​ത്ത് മോ​ഷ​ണം) വ​കു​പ്പി​നു ര​ണ്ടു വ​ർ​ഷം ത​ട​വും 25,000 രൂ​പ​യു​മാ​ണു പി​ഴ.

പി​ഴ​യൊ​ടു​ക്കി​യി​ല്ലെ​ങ്കി​ൽ ഒ​രു വ​ർ​ഷം കൂ​ടി അ​ധി​ക​ത​ട​വ് അ​നു​ഭ​വി​ക്ക​ണം. അ​തി​ദാ​രു​ണ​മാ​യ കൊ​ല​പാ​ത​കം ന​ട​ന്ന വീ​ട്ടി​ൽ ഇ​നി​യു​ള്ള ഏ​ക അം​ഗ​മാ​യ ബി​ബി​നു ന​ഷ്ട​പ​രി​ഹാ​ര​മാ​യി മൂ​ന്നു ല​ക്ഷം രൂ​പ ന​ൽ​ക​ണ​മെ​ന്നും വി​ധി​ന്യാ​യ​ത്തി​ൽ പ​റ​യു​ന്നു.


അ​പൂ​ർ​വ​ങ്ങ​ളി​ൽ അ​പൂ​ർവ​മാ​യ കേ​സാ​ണെ​ന്നും കേ​ര​ള​ത്തി​ലെ​ത്തി കുറ്റകൃ​ത്യ​ങ്ങ​ൾ ന​ട​ത്തു​ന്ന ഇതര ​സം​സ്ഥാ​ന തൊ​ഴി​ലാ​ളി​ക​ൾ​ക്ക് ശി​ക്ഷ ഒ​രു സ​ന്ദേ​ശ​മാ​ണെ​ന്നും കോ​ട​തി പ​റ​ഞ്ഞു. പ്ര​തിയെ ഇ​ന്നു രാ​വി​ലെ തി​രു​വ​ന​ന്ത​പു​രം സെ​ൻ​ട്ര​ൽ ജ​യി​ലി​ലേ​ക്കു കൊ​ണ്ടു​പോ​കും.

കൊ​ല്ല​പ്പെ​ട്ട പ്ര​വീ​ണ്‍ ന​ട​ത്തി​യി​രു​ന്ന അ​ല​ക്കു​ക​ന്പ​നി​യി​ലെ തേ​പ്പു​ജോ​ലി​ക്കാ​ര​നാ​യി​രു​ന്നു ന​രേ​ന്ദ​ർ . 2015 മേ​യ് 16നു ​രാ​ത്രി മ​ണി​ക്കൂ​റു​ക​ൾ നീ​ണ്ട കൃ​ത്യ​ങ്ങ​ളി​ലൂ​ടെ​യാ​ണു മൂ​വ​രെ​യും വെ​ട്ടി​ക്കൊ​ല​പ്പെ​ടു​ത്തി ക​ഴു​ത്തു​ മു​റി​ച്ച​ശേ​ഷം ക​വ​ർ​ച്ച ന​ട​ത്തി​യ​ത്. പ്ര​സ​ന്ന​കു​മാ​രി​യു​ടെ ക​മ്മ​ൽ കാ​ത് ഉ​ൾ​പ്പെ​ടെ മു​റി​ച്ചെ​ടു​ത്തു.

കൊ​ല ന​ട​ത്തി​യ​ശേ​ഷം ആ​ഭ​ര​ണ​ങ്ങ​ളും പ​ണ​വു​മാ​യി പ്ര​തി സ്ഥ​ലം വി​ടു​ക​യാ​യി​രു​ന്നു​. ട്രെ​യി​നി​ൽ ഫി​റോ​സാ​ബാ​ദി​ലെ വീ​ട്ടി​ലെ​ത്തി​യ പ്ര​തി​യെ ഉ​ത്ത​ർ​പ്ര​ദേ​ശ് പോ​ലീ​സി​ന്‍റെ സ​ഹാ​യ​ത്തോ​ടെ പാ​ന്പാ​ടി സി​ഐ സാ​ജു വ​ർ​ഗീ​സി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം അറസ്റ്റ് ചെ​യ്തു നാ​ട്ടി​ലെ​ത്തി​ച്ചു. ഒ​രു മാ​ല, ര​ണ്ടു വ​ള, ര​ണ്ടു മോ​തി​രം, ര​ണ്ടു ക​മ്മ​ൽ എ​ന്നി​വ​യു​ൾ​പ്പെ​ടെ എ​ട്ടു പ​വ​ന്‍റെ സ്വ​ർ​ണാ​ഭ​ര​ണ​ങ്ങ​ൾ, ര​ണ്ടു ടോ​ർ​ച്ച്, 3000 രൂ​പ, മൂ​ന്ന് വാ​ച്ച്, ഒ​രു ട്രോ​ളി ബാ​ഗ് എ​ന്നി​വ മോ​ഷ്ടി​ച്ചാ​ണു ന​രേന്ദർ കു​മാ​ർ നാ​ടു​വി​ട്ട​ത്. ഇ​വ​യെ​ല്ലാം ഫി​റോ​സാ​ബാ​ദി​ലെ വീ​ട്ടി​ൽ​നി​ന്നു ക​ണ്ടെ​ടു​ത്തി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.