യത്തീംഖാന പീഡനം: കസ്റ്റഡി അപേക്ഷ ഇന്നു പരിഗണിക്കും : Deepika.com Kerala News |

Click here for detailed news of all items

യത്തീംഖാന പീഡനം: കസ്റ്റഡി അപേക്ഷ ഇന്നു പരിഗണിക്കും

Friday, March 24, 2017 1:45 PM IST

കൽപ്പറ്റ: യത്തീംഖാനയിലെ ഏഴ് ബാലികമാരെ പീഡിപ്പിച്ച കേസിൽ പ്രതികളെ കസ്റ്റഡിയിൽ കിട്ടുന്നതിനു പോലീസ് നൽകിയ അപേക്ഷ കൽപ്പറ്റ പോക്സോ കോടതി ഇന്ന് പരിഗണിക്കും.

മുട്ടിൽ കുട്ടമംഗലം സ്വദേശികളായ ടിപ്പർ ഡ്രൈവർ അരീക്കൽ ജുമൈദ്(27), ഹോട്ടൽ വ്യാപാരി വിളക്കിപ്ലാക്കൽ നാസർ എന്ന നാച്ചിക്ക(42), സോഫ്‌റ്റ്‌വെയർ എൻജിനിയർ മെയ്യൻവീട് അസർ(27), തുണിക്കച്ചവടക്കാരൻ നെല്ലിക്കൽ മുസ്തഫ(27), കാപ്പിത്തൊണ്ട് വ്യാപാരി ജുലൈബ് എന്ന ബ്ലാക്ക് ബ്യൂട്ടി(27), തുണിക്കച്ചവടക്കാരൻ ഓടത്തോട് മുഹമ്മദ് റാഫി(27) എന്നിങ്ങനെ ആറ് പ്രതികളാണ് കേസിൽ.

വൈത്തിരി സബ്ജയിലിൽ റിമാൻഡിലുള്ള ഇവരെ വിശദാന്വേഷണത്തിനു കസ്റ്റഡിയിൽ ലഭിക്കുന്നതിന് അന്വേഷണ ഉദ്യോഗസ്ഥനായ കൽപ്പറ്റ സിഐ ടി.പി. ജേക്കബ് വ്യാഴാഴ്ചയാണ് കോടതിയിൽ അപേക്ഷ നൽകിയത്. പീഡനക്കേസിൽ 19 ദിവസം മുമ്പ് അറസ്റ്റിലായ പ്രതികളെ തിരിച്ചറിയുന്നതിനുള്ള പരേഡ് വൈത്തിരി ജയിൽ വളപ്പിലെ ഹാളിൽ ബത്തേരി ജുഡീഷൽ ഫസ്റ്റ്ക്ലാസ് മജിസ്ട്രേറ്റിന്‍റെ(2) സാന്നിധ്യത്തിൽ വ്യാഴാഴ്ചയാണ് നടന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.