കോട്ടയം: എസ്എസ്എൽസി പരീക്ഷാജോലിക്കായി നിയോഗിക്കപ്പെടുന്ന അധ്യാപകർക്ക് ദിനംപ്രതി ഒരു ഡിഎ സൂപ്പർവിഷൻ അലവൻസായി നൽകാമെന്ന ഉറപ്പ് പാലിക്കാത്തതിൽ പ്രതിഷേധിച്ച്, നാമമാത്രമായ അലവൻസ് ഉപേക്ഷിച്ചുകൊണ്ട് എസ്എസ്എൽസി പരീക്ഷാജോലി പൂർത്തിയാക്കി സംസ്ഥാന വ്യാപകമായി പ്രതിഷേധിക്കുവാൻ പ്രൈവറ്റ് സ്കൂൾ ഗ്രാജുവേറ്റ് ടീച്ചേഴ്സ് അസോസിയേഷൻ സംസ്ഥാന നിർവഹണ സമിതി യോഗം എല്ലാ വിഭാഗം അധ്യാപകരോടും ആവശ്യപ്പെട്ടു.
എസ്എസ്എൽസി പരീക്ഷാ നടത്തിപ്പിനെപ്പറ്റി ആലോചിക്കുന്നതിനുവേണ്ടി പരീക്ഷാ സെക്രട്ടറിയും ഡിപിഐയും വിളിച്ചുചേർത്ത സംഘടനാ പ്രതിനിധികളുടെ യോഗത്തിലാണ് ഈ ഉറപ്പ് നൽകിയിരിക്കുന്നത്. പിജിടിഎ ഈ ആവശ്യം ഉന്നയിച്ച് വിദ്യാഭ്യാസ വകുപ്പ് അധികൃതർക്കു നിവേദനം നൽകിയിരുന്നു.
ദൂരെ സ്ഥലങ്ങളിൽനിന്നും സൂപ്പർവിഷൻ ജോലിക്കായി നിയോഗിക്കപ്പെടുന്നവർക്ക് നിയമപരമായി അർഹതപ്പെട്ട യാത്രാപ്പടിയെങ്കിലും നൽകാൻ നടപടി സ്വീകരിക്കണമെന്നു സംസ്ഥാന പ്രസിഡന്റ് സിബി ആന്റണി തെക്കേടത്തിന്റെ അധ്യക്ഷതയിൽ ചേർന്ന പ്രൈവറ്റ് സ്കൂൾ ഗ്രാജുവേറ്റ് ടീച്ചേഴ്സ് അസോസിയേഷൻ സംസ്ഥാന നിർവഹണ സമിതി യോഗം സർക്കാരിനോട് അഭ്യർഥിച്ചു.
സംസ്ഥാന ജനറൽ സെക്രട്ടറി സുധീർ ചന്ദ്രർ, വർക്കിംഗ് പ്രസിഡന്റുമാരായ സാലുമോൻ സി. കുര്യൻ, ഷഫീർ കെ., ട്രഷറർ കെ.ജി. തോമസ്, ടോം ജോൺ, ചാൾസ് അലക്സ്, സെർബി അഗസ്റ്റിൻ, ഷിന്റോ ജോസ്, സാബു കുര്യൻ, ഏബ്രഹാം ബഞ്ചമിൻ, എ.വി. മാധവൻകുഞ്ഞ്, എബി മൈക്കിൾ, അജിത്ത് വളാത്താങ്കര, ജോൺ കെ. മാത്യു, ബിൻസൺ തര്യൻ, രശ്മി എം., ലിസി സക്കറിയാസ്, ലിനി അൽഫോൻസാ എന്നിവർ പ്രസംഗിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.