കെഎസ്‌യു സംസ്ഥാന തെരഞ്ഞെടുപ്പു വോട്ടെണ്ണൽ ഇന്ന് : Deepika.com Kerala News |

Click here for detailed news of all items

കെഎസ്‌യു സംസ്ഥാന തെരഞ്ഞെടുപ്പു വോട്ടെണ്ണൽ ഇന്ന്

Friday, March 24, 2017 2:15 PM IST

തിരുവനന്തപുരം: കെഎസ്‌യു സംഘടനാ തെരഞ്ഞെടുപ്പുമായി ബന്ധപ്പെട്ടു സംസ്ഥാന തലത്തിലുള്ള വോട്ടെണ്ണൽ ഇന്നു നടക്കും. വോട്ടെടുപ്പു പൂർത്തിയായ ജില്ലകളിൽ 11 എണ്ണവും പിടിച്ചെടുത്ത എ ഗ്രൂപ്പിന്‍റെ സ്ഥാനാർഥി കെ.എം. അഭിജിത്ത് സംസ്ഥാന പ്രസിഡന്‍റാകുമെന്നാണു സൂചന. ഐ ഗ്രൂപ്പിന്‍റെ വി.പി. അബ്ദുൾ റഷീദാണ് ഐ ഗ്രൂപ്പിന്‍റെ പ്രസിഡന്‍റ് സ്ഥാനാർഥി.

ഇന്നലെ വോട്ടെടുപ്പു നടന്ന തൃശൂരിൽ ഐ ഗ്രൂപ്പിന്‍റെ കൈയിൽ നിന്ന് എ ഗ്രൂപ്പ് പിടിച്ചെടുത്തു. കോഴിക്കോട് എ ഗ്രൂപ്പ് നിലനിർത്തി. 14 ജില്ലകളിലെ വോട്ടെടുപ്പു പൂർത്തിയായപ്പോൾ 11 എണ്ണവും എ ഗ്രൂപ്പിന്‍റെ നിയന്ത്രണത്തിലായി. തിരുവനന്തപുരത്തു മാത്രമാണ് ഐ ഗ്രൂപ്പിനു വ്യക്തമായ മേധാവിത്വം നേടാനായത്. കൊല്ലത്ത് ഐ ഗ്രൂപ്പ് വിമതനാണു വിജയിച്ചത്. കെ. സുധാകരന്‍റെ നേതൃത്വത്തിലുള്ള ഐ വിഭാഗവും എ ഗ്രൂപ്പും ഒന്നിച്ചു മത്സരിച്ച കണ്ണൂരിൽ ഇന്നു മാത്രമേ വോട്ടെണ്ണുകയുള്ളു. പത്തനംതിട്ട, ഇടുക്കി ജില്ലകളിലും ഇന്നാണു വോട്ടെണ്ണുക. ഇവിടെയും എ ഗ്രൂപ്പിനാകും മേധാവിത്വമെന്നാണു കരുതുന്നത്.

സംസ്ഥാന ഭാരവാഹികളേയും ദേശീയ സമിതി അംഗങ്ങളേയും തെരഞ്ഞെടുക്കുന്നതിന് വേണ്ടിയുള്ള വോട്ടെണ്ണൽ ഇന്നു രാവിലെ പത്തിന്് ഇന്ദിരാഭവിൽ നടക്കുമെന്ന് കെപിസിസി ജനറൽ സെക്രട്ടറി അഡ്വ. സജീവ് ജോസഫ് അറിയിച്ചു.
സംസ്ഥാന പ്രസിഡന്‍റ് ഉൾപ്പെടെ നാൽപത് സംസ്ഥാന ഭാരവാഹികളേയും നാല് ദേശീയ സമിതി അംഗങ്ങളേയുമാണ് തെരഞ്ഞെടുക്കുന്നത്. ബന്ധപ്പെട്ട സ്ഥാനാർത്ഥികൾ തിരിച്ചറിയൽ രേഖയുമായി വോട്ടെണ്ണൽ സമയത്തിന് അര മണിക്കൂർ മുൻപായി കെപിസിസിയിൽ എത്തിച്ചേരണമെന്നും സജീവ് ജോസഫ് അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.