ദീപിക എക്സലൻസ് അവാർഡുകൾ സമ്മാനിച്ചു : Deepika.com Kerala News |

Click here for detailed news of all items

ദീപിക എക്സലൻസ് അവാർഡുകൾ സമ്മാനിച്ചു

Saturday, March 25, 2017 10:57 PM IST

കോട്ടയം: കർഷകരുടെ അവകാശങ്ങൾക്കായി എന്നും നിലകൊണ്ട പത്രമാണ് ദീപികയെന്ന് മുൻമുഖ്യമന്ത്രി ഉമ്മൻ ചാണ്ടി എംഎൽഎ. വിദ്യാഭ്യാസ, ആതുര, വിദേശ തൊഴിൽ രംഗത്തെ സമഗ്രസംഭാവനകൾക്ക് ദീപിക ഏർപ്പെടുത്തിയ ദീപിക എക്സലൻസ് അവാർഡ്ദാനവും പ്രവാസി രത്ന അവാർഡ് സമർപ്പണവും കുമരകം ബാക്ക് വാട്ടർ റിപ്പിൾസ് റിസോർട്ടിൽ നിർവഹിക്കുകയായിരുന്നു അദ്ദേഹം.

കർഷകർക്കുവേണ്ടി ദീപിക നടത്തുന്ന നിരവധി പരിപാടികൾ നേരിട്ടുകണ്ട് ബോധ്യപ്പെട്ടിട്ടുള്ളതാണ്. ധാർമികമാധ്യമ സംസ്കാരത്തിന് യോജിച്ച വിധം പ്രവർത്തിക്കുന്നതിനൊടൊപ്പം സമൂഹത്തിൽ പ്രതിഭയുള്ളവരെ അംഗീകരിക്കുന്നതിനും ദീപിക മുന്നോട്ടിറങ്ങുന്നതിൽ അഭിമാനമുണ്ടെന്നും അദ്ദേഹം കൂട്ടിചേർത്തു. രാഷ്ട്രദീപിക മാനേജിംഗ് ഡയറക്ടർ റവ.ഡോ.മാണി പുതിയിടം അധ്യക്ഷതവഹിച്ചു. തിരുവഞ്ചൂർ രാധാകൃഷ്ണൻ എംഎൽഎ മുഖ്യപ്രഭാഷണം നടത്തി. എംഎൽഎമാരായ കെ.സുരേഷ്കുറുപ്പ്, മോൻസ് ജോസഫ് എന്നിവർ മുഖ്യാതിഥികളായിരുന്നു.

കോളജ് വിദ്യാഭ്യാസ രംഗത്തെ സംഭാവനകൾക്കുള്ള എഡ്യൂക്കേഷണൽ എക്സലൻസ് അവാർഡ് പാലാ രാമപുരം മാർ അഗസ്തീനോസ് കോളജ് മാനേജർ റവ.ഡോ. ജോർജ് ഞാറക്കുന്നേലിനും ആതുരസേവന രംഗത്തെ സംഭാവനകൾക്കു മെഡിക്കൽ എക്സലൻസ് അവാർഡ് ചങ്ങനാശേരി ചെത്തിപ്പുഴ സെന്‍റ് തോമസ് ഹോസ്പിറ്റൽ ഡയറക്്ടർ ഫാ. തോമസ് മംഗലത്തിനും സമ്മാനിച്ചു.

വിദേശത്ത് ഒട്ടേറെ മലയാളികൾക്ക് ജോലി ലഭ്യമാക്കാൻ റിക്രൂട്ടിംഗ് രംഗത്തെ സമഗ്രസംഭാവനയ്ക്കുള്ള പുരസ്കാരം അയർലൻഡ് ഒലിവർ പ്ലേസ്മെന്‍റ് മാനേജിംഗ് ഡയറക്്ടർ റെജി പ്രോത്താസീസിനു സമ്മാനിച്ചു. വിദ്യാഭ്യാസ ജീവകാരുണ്യ രംഗത്ത് പ്രവാസികളുടെ ക്ഷേമത്തിനായി നിരവധി പദ്ധതികൾ നടപ്പാക്കിയ പ്രവാസിമലയാളി ഫെഡറേഷൻ ചെയർമാനും വാഗമണ്‍ ഇൻഡോ അമേരിക്കൻ ഇൻഡർനാഷണൽ സ്കൂൾ ചെയർമാനുമായ ഡോ. ജോസ് ആന്‍റണി കാനാട്ടിന് പ്രവാസി രത്ന അവാർഡ് സമ്മാനിച്ചു.

മാർക്കറ്റിംഗ് ജനറൽ മാനേജർ കെ.സി. തോമസ് അവാർഡ് ജേതാക്കളെ പരിചയപ്പെടുത്തി. ചലച്ചിത്ര, സീരിയൽ താരം പ്രേം പ്രകാശ്, ചലച്ചിത്രബാലതാരം മീനാക്ഷി എന്നിവരെ ആദരിച്ചു. ദീപിക എക്സിക്യൂട്ടീവ് ഓഫീസർ ഫാ. റെജി വർഗീസ് മനയ്ക്കലേട്ട്, ദീപിക ഫ്രണ്ട്സ് ക്ലബ് വൈസ് പ്രസിഡന്‍റ് ബാബു വള്ളപ്പുര എന്നിവർ പ്രസംഗിച്ചു. ഡെപ്യൂട്ടി മാനേജിംഗ് ഡയറക്്ടർ ഡോ. താർസീസ് ജോസഫ് സ്വാഗതവും പിആർഒ മാത്യു കൊല്ലമലക്കരോട്ട് കൃതജ്ഞതയും രേഖപ്പെടുത്തി. തുടർന്ന് സംഗീതവിരുന്നും ഉണ്ടായിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.