രാജ്യത്തെ കേരളവും ഏഷ്യയെ ഇന്ത്യയും നയിക്കും: കേന്ദ്രമന്ത്രി : Deepika.com Kerala News |

Click here for detailed news of all items

രാജ്യത്തെ കേരളവും ഏഷ്യയെ ഇന്ത്യയും നയിക്കും: കേന്ദ്രമന്ത്രി

Sunday, March 26, 2017 12:42 PM IST

കോഴിക്കോട്: നോട്ട് നിരോധനത്തിന് ശേഷമുള്ള ഡിജിറ്റൽ പണമിടപാടിന്‍റെ പുരോഗതി വിലയിരുത്തുമ്പോൾ നവ ഇന്ത്യയെ ഏറ്റവും സാക്ഷരതയുള്ള സംസ്ഥാനമായ കേരളം നയിക്കുമെന്ന് കേന്ദ്രധനകാര്യസഹമന്ത്രി അർജുൻ റാം മേഘ്വാൾ. 21ാം നൂറ്റാണ്ടിൽ ലോകത്തെ ഏഷ്യ നയിക്കുമെന്നാണ് വിലയിരുത്തപ്പെടുന്നത്.

വൻകരയിലെ മത്സരത്തിൽ ചൈന, ജപ്പാൻ, റഷ്യ എന്നീ രാജ്യങ്ങളെ പിന്തള്ളി ഇന്ത്യ മുന്നിലെത്തി ഏഷ്യയെ നയിക്കുമെന്നും അദ്ദേഹം പറഞ്ഞു. ഗ്രേറ്റർ മലബാർ ഇക്കോണോമിക് ഫോറം 2017 സെമിനാർ ഉദ്ഘാടനം ചെയ്ത് പ്രസംഗിക്കുകയായിരുന്നുഅദ്ദേഹം.
രാജ്യത്ത് നിലനിന്ന സമാന്തരസമ്പദ് വ്യവസ്ഥയെ ഇല്ലാതാക്കാനാണ് നോട്ട് നിരോധനം നടപ്പാക്കിയതെന്നും കള്ളപ്പണം കണ്ടെത്തുന്നതും തീവ്രവാദപ്രവർത്തനങ്ങൾക്കുള്ള സഹായം തടയുന്നതുമെല്ലാം അതിന്‍റെ സ്വാഭാവികമായ അനന്തരഫലങ്ങളാണെന്നും അർജുൻ റാം മേഘ്വാൾ അഭിപ്രായപ്പെട്ടു. രാജ്യത്ത് കണക്കിൽപെടാത്ത 23.7 ശതമാനം പണമുണ്ടെന്നായിരുന്നു ലോകബാങ്കിന്‍റെ കണ്ടെത്തൽ. നോട്ട് നിരോധനത്തിന് ശേഷം ആഭ്യന്തര വളർച്ചാനിരക്കും കയറ്റുമതിയും വർധിക്കുകയാണ് ചെയ്തതെന്ന് അദ്ദേഹം കൂട്ടിച്ചേർത്തു.

ജന്മഭൂമി ദിനപത്രത്തിന്‍റെ ആഭിമുഖ്യത്തിലായിരുന്നു സെമിനാർ സംഘടിപ്പിച്ചത്. ജന്മഭൂമി ജനറൽ മാനേജർ കെ.ബി. ശ്രീകുമാർ അധ്യക്ഷത വഹിച്ച ചടങ്ങിൽ ഡോ. പി.എ. ലളിത, നിത്യാനന്ദ കാമത്ത്, ഒ. ആഷർ, രാഹുൽ.ആർ. മേനോൻ, അബ്ദുൾ നസീർ, ടി.പി. ജയചന്ദ്രൻ, ടി.വി. ഉണ്ണികൃഷ്ണൻ എന്നിവർ പങ്കെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.