കുഞ്ഞൂഞ്ഞ് വീണ്ടും മുഖ്യമന്ത്രി! : Deepika.com Kerala News |

Click here for detailed news of all items

കുഞ്ഞൂഞ്ഞ് വീണ്ടും മുഖ്യമന്ത്രി!

Sunday, March 26, 2017 1:04 PM IST

കോട്ടയം: ഉമ്മൻ ചാണ്ടി വീണ്ടും മുഖ്യമന്ത്രിയായി. ഇന്നലെ രാവിലെ പുതുപ്പള്ളി പള്ളിയിൽ വിശുദ്ധ കുർബാനയിൽ പങ്കെടുത്ത ശേഷം സിനിമയിൽ ഉമ്മൻ ചാണ്ടി നടനായി. സണ്‍ പിക്ച്ചേഴ്സിന്‍റെ ബാനറിൽ സൈമൺ, അജ്‌ലിൻ എന്നിവർ ചേർന്നു നിർമിക്കുന്ന പീറ്റർ എന്ന സിനിമയിലാണു പുതുപ്പള്ളിക്കാരുടെ കുഞ്ഞൂഞ്ഞ് മുഖ്യമന്ത്രി വേഷം അണിഞ്ഞത്.

ഇന്നലെ രാവിലെ 7.30ന് പുതുപ്പള്ളി പള്ളിയുടെ മുന്പിലെ കൽക്കുരിശിങ്കൽ മെഴുകുതിരി തെളിച്ചു സിനിമയുടെ ഷൂട്ടിംഗ് തുടങ്ങി. ഞായറാഴ്ച പുതുപ്പള്ളി പള്ളിയിൽ ഉമ്മൻ ചാണ്ടി കുർബാനയ്ക്ക് എത്തുന്ന ഭാഗങ്ങളും പുതുപ്പള്ളിയിലെ നിവേദനത്തിരക്കും മറ്റുമാണു ഷൂട്ട് ചെയ്തത്.

ന്യൂജനറേഷൻ ഫീച്ചർ സിനിമയാണെങ്കിലും ഉമ്മൻ ചാണ്ടി പതിവ് കുഞ്ഞുഞ്ഞ് ശൈലിയിൽത്തന്നെയാണ് അഭിനയിക്കുന്നത്. കുട്ടികളുടെ പരാതികളും വിഷമതകളും കേട്ടു പരിഹാരം കാണുന്ന മുഖ്യമന്ത്രിയുടെ റോളാണ് ഉമ്മൻ ചാണ്ടിക്കുള്ളത്. കോഴിക്കോട്, ഡൽഹി, കുട്ടിക്കാനം, കോട്ടയം എന്നിവിടങ്ങളിലും ഷൂട്ടിംഗ് നടക്കും. ചിത്രത്തിലെ രണ്ട് ഗാനങ്ങളും വനിതാ കമ്മീഷൻ അംഗം പ്രഫ.പ്രമീളദേവിയാണ് എഴുതുന്നത്.

രാഹുൽ നായർ മുംബൈയാണ് മ്യൂസിക്. ഏബ്രഹാം മാത്യൂ,സി.കെ ശശി എന്നിവരുടെയാണ് തിരക്കഥ. രണ്ടുകോടി രൂപ മുതൽ മുടക്കിൽ നിർമിക്കുന്ന ചിത്രം ഓണത്തോടനുബന്ധിച്ചു പുറത്തിറക്കും. ഇനി അഞ്ച് ദിവസംകൂടി പുതുപ്പള്ളിയിലെ വീട്ടിലും പരിസരങ്ങളിലും ഷൂട്ടിംഗ് ഉണ്ടാകും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.