രാജഗിരി കോളജും എസിസിഎയും ധാരണാപത്രം ഒപ്പുവച്ചു : Deepika.com Kerala News |

Click here for detailed news of all items

രാജഗിരി കോളജും എസിസിഎയും ധാരണാപത്രം ഒപ്പുവച്ചു

Monday, March 27, 2017 12:49 PM IST

കൊച്ചി: രാജഗിരി കോളജ് ഓഫ് സോഷ്യൽ സയൻസസും യുകെ ആസ്ഥാനമായ അസോസിയേഷൻ ഓഫ് ചാർട്ടേഡ് സർട്ടിഫൈഡ് അക്കൗണ്ടന്‍റ്സും (എസിസിഎ) പരസ്പര സഹകരണം ലക്ഷ്യമിട്ട് ധാരണാപത്രം ഒപ്പുവച്ചു. കളമശേരി കോളജ് കാംപസിൽ നടന്ന ചടങ്ങിൽ രാജഗിരിക്കുവേണ്ടി പ്രിൻസിപ്പൽ ഡോ. ബിനോയ് ജോസഫും എസിസിഎയ്ക്കുവേണ്ടി റീജണൽ മാനേജർ ശരവണ കുമാറും ധാരണാപത്രത്തിൽ ഒപ്പുവെച്ചു. സി.എ. അജയ് ലുനാവത്ത് (ഹെഡ് പ്രഫഷണൽ സ്റ്റഡീസ്), അസി. പ്രഫ. സഞ്ജീവ് സിംഗ്, അസി. പ്രഫ. ജെസി അലക്സാണ്ടർ, എസിസിഎ കണ്‍സൾട്ടന്‍റ് അൽത്തിയ ലീ എന്നിവർ ചടങ്ങിൽ പങ്കെടുത്തു.

പ്രഗത്ഭരായ അക്കൗണ്ടന്‍റുമാരുടെ ഏറ്റവും വലിയ അന്താരാഷ്ട്ര സംഘടനയാണ് എസിസിഎ. 188,000 ലധികം യോഗ്യരായ അക്കൗണ്ടന്‍റുമാർ അംഗങ്ങളായ എസിസിഎയിൽ അഞ്ചു ലക്ഷത്തോളം വിദ്യാർഥികളും പരിശീലനം നേടിപ്പോരുന്നു. തങ്ങളുടെ സേവനങ്ങൾ വിദ്യാർഥികൾക്ക് പ്രയോജനപ്പെടുത്തുക എന്ന ലക്ഷ്യത്തോടെ രാജഗിരിയിലെ സ്കൂൾ ഓഫ് കൊമേഴ്സുമായി സഹകരിച്ച് പ്രവർത്തിക്കുമെന്ന് എസിസിഎ ചടങ്ങിൽ ഉറപ്പുനൽകി.

വിദ്യാർഥികൾക്ക് മാത്രമല്ല, കോളജിലെ അധ്യാപകർ അടക്കമുള്ളവർക്കും എസിസിഎയുടെ സഹകരണം പ്രയോജനപ്പെടുമെന്ന് പ്രിൻസിപ്പൽ ഡോ. ബിനോയ് ജോസഫ് പറഞ്ഞു. അക്കൗണ്ടൻസി, ഫിനാൻസ് എന്നിവയിൽ രാജഗിരിയിലെ വിദ്യാർഥികൾക്ക് എല്ലാവിധ പിന്തുണയും പ്രഖ്യാപിച്ച എസിസിഎ റീജണൽ മാനേജർ ശരവണ കുമാർ, ലോകോത്തര നിലവാരത്തിൽ വെല്ലുവിളികളെ നേരിടാൻ വിദ്യാർഥികളെ പ്രാപ്തരാക്കുമെന്നും ഉറപ്പുനൽകി. 2017 ബാച്ചിലെ രാജഗിരിയിലെ വിദ്യാർഥികൾക്ക് എസിസിഎയുടെ സേവനം ലഭിച്ചുതുടങ്ങും. കൂടുതൽ വിവരങ്ങൾക്ക് dsp.info @rajagiri.edu

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.