ധാന്യങ്ങൾ റേഷൻ കടകളിലെത്തിക്കാൻ സർക്കാരിനധികാരമുണ്ട്: ഹൈക്കോടതി : Deepika.com Kerala News |

Click here for detailed news of all items

ധാന്യങ്ങൾ റേഷൻ കടകളിലെത്തിക്കാൻ സർക്കാരിനധികാരമുണ്ട്: ഹൈക്കോടതി

Monday, March 27, 2017 1:25 PM IST

കൊച്ചി: ഭക്ഷ്യധാന്യങ്ങൾ എഫ്സിഐയിൽനിന്ന് സപ്ലൈകോ മുഖേന നേരിട്ട് ഏറ്റെടുത്ത് റേഷൻ കടകളിലെത്തിക്കുന്ന സംവിധാനം നടപ്പാക്കുന്നതിനു സംസ്ഥാന സർക്കാരിന് അവകാശമുണ്ടെന്നു ഹൈക്കോടതി. ദേശീയ ഭക്ഷ്യ സുരക്ഷാ നിയമത്തിലെ വ്യവസ്ഥയനുസരിച്ച് സർക്കാർ നടപ്പാക്കുന്ന പദ്ധതി തടയാനാവില്ലെന്നും ചീഫ് ജസ്റ്റീസ് അധ്യക്ഷനായ ഡിവിഷൻ ബെഞ്ച് വ്യക്തമാക്കി.

ഭക്ഷ്യധാന്യങ്ങൾ സപ്ലൈകോ മുഖേന ഏറ്റെടുക്കുന്നതിനെതിരേ കേരള ഹോൾസെയിൽ റേഷൻ ഡിസ്ട്രിബ്യൂട്ടേഴ്സ് ഫെഡറേഷനടക്കം നൽകിയ ഹർജികൾ തള്ളിയാണ് ഹൈക്കോടതി ഇക്കാര്യം വ്യക്തമാക്കിയത്.

ധാന്യങ്ങൾ ഗോഡൗണുകളിൽ നിന്നെടുക്കുന്നതിനായി ചരക്കുവാഹനങ്ങൾ ലഭ്യമാക്കാൻ ടെൻഡർ വിളിച്ചതും ഹൈക്കോടതി ശരിവച്ചിട്ടുണ്ട്. സ്റ്റാറ്റ്യൂട്ടറി റേഷൻ സന്പ്രദായത്തിന്‍റെ ഭാഗമായി പ്രവർത്തിക്കുന്ന ഹോൾസെയിൽ ഡിസ്ട്രിബ്യൂട്ടേഴ്സിനെ സർക്കാരിന് ഒഴിവാക്കാനാവില്ലെന്നായിരുന്നു ഹർജിക്കാരുടെ വാദം.

എന്നാൽ റേഷൻ സംവിധാനത്തിൽ നിന്ന് സ്വകാര്യ മൊത്തവിതരണക്കാരെ ഒഴിവാക്കി സർക്കാർ അംഗീകൃത ഏജൻസിക്കു കീഴിലാക്കുകയാണെന്നും ഭക്ഷ്യസുരക്ഷാ നിയമപ്രകാരം സ്വകാര്യ മൊത്ത വിതരണക്കാരെ നിയമിക്കാൻ കഴിയില്ലെന്നും സർക്കാർ ചൂണ്ടിക്കാട്ടി. ഇതു കോടതി അംഗീകരിച്ചു. അതേസമയം, സ്വകാര്യ മൊത്തവിതരണക്കാരുടെ കൈവശം നിലവിലുള്ള ധാന്യങ്ങളുടെ സ്റ്റോക്ക് സർക്കാർ തിരിച്ചെടുത്ത് പണം നൽകണമെന്നും ഡിവിഷൻ ബെഞ്ച് നിർദേശിച്ചിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.