കൃഷി ഓഫീസറെ അജ്ഞാതർ ആക്രമിച്ചു : Deepika.com Kerala News |

Click here for detailed news of all items

കൃഷി ഓഫീസറെ അജ്ഞാതർ ആക്രമിച്ചു

Thursday, March 30, 2017 12:40 PM IST

തളിപ്പറമ്പ്: കരിമ്പം ജില്ലാ കൃഷിഫാമില്‍ കൃഷി ഓഫീസർക്ക് ക്രൂരമർദനം. മർദനത്തിൽ പരിക്കേറ്റ കൊല്ലം സ്വദേശി വി.ജി. ഹരീന്ദ്രനെ(45) കണ്ണൂര്‍ എകെജി ആശുപത്രിയിലെ തീവ്രപരിചരണവിഭാഗത്തില്‍ പ്രവേശിപ്പിച്ചു. ബുധനാഴ്ച രാത്രി എട്ടോടെയായിരുന്നു സംഭവം. ബുധനാഴ്ച രാത്രി തളിപ്പറമ്പ് ടൗണില്‍ നിന്നു സാധനങ്ങള്‍ വാങ്ങി ഇടിസിക്ക് സമീപത്തെ സ്‌റ്റോപ്പില്‍ ബസിറങ്ങി കാരത്തുംപാറയിലെ ക്വാര്‍ട്ടേഴ്‌സിലേക്കു നടന്നുപോകുമ്പോൾ ക്വാര്‍ട്ടേഴ്‌സിന് സമീപം ഒളിച്ചുനിന്ന മുഖംമൂടി സംഘം വടിവാളും ആണിതറച്ച പട്ടികകളുമായി വളഞ്ഞുവച്ച് ആക്രമിക്കുകയായിരുന്നുവെന്ന് പോലീസ് പറഞ്ഞു.

അടിയേറ്റ് അബോധാവസ്ഥയില്‍ വഴിയില്‍ കിടന്ന ഹരീന്ദ്രൻ ബോധം വന്നപ്പോള്‍ എഴുന്നേറ്റ് ക്വാര്‍ട്ടേഴ്‌സിന് അമ്പത് മീറ്ററോളം അകലെ മറ്റു ജീവനക്കാര്‍ താമസിക്കുന്ന ക്വാര്‍ട്ടേഴ്‌സിലെത്തി വിവരമറിയിക്കുകയായിരുന്നു. ഉടനെ തളിപ്പറമ്പ് സഹകരണ ആശുപത്രിയിലെത്തിച്ച ഹരീന്ദ്രനെ പരിക്ക് ഗുരുതരമായതിനാല്‍ കണ്ണൂര്‍ എകെജി ആശുപത്രിയിലേക്കു മാറ്റി. തളിപ്പറമ്പ് പോലീസ് കേസെടുത്ത് അന്വേഷണം ആരംഭിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.