മോൺ. തോമസ് പഴേപറന്പിലിന്‍റെ 25-ാം ചരമവാർഷികാചരണം ചൊവ്വാഴ്ച പാലായിൽ : Deepika.com Kerala News |

Click here for detailed news of all items

മോൺ. തോമസ് പഴേപറന്പിലിന്‍റെ 25-ാം ചരമവാർഷികാചരണം ചൊവ്വാഴ്ച പാലായിൽ

Friday, May 19, 2017 12:08 PM IST

പാലാ: തലശേരി രൂപതയുടെ പ്രഥമ വികാരി ജനറാളും മധ്യതിരുവതാംകൂറിൽനിന്നു വടക്കൻ മലബാറിലേക്കുള്ള കുടിയേറ്റ ചരിത്രം വിവരിക്കുന്ന സ്വപ്നഭൂമിയിൽ എന്ന ഗ്രന്ഥത്തിന്‍റെ കർത്താവുമായ മോൺ.തോമസ് പഴേപറന്പിലിന്‍റെ 25-ാം ചരമവാർഷികം 23ന് പാലാ പാലാക്കാട് ചെറുപുഷ്പദേവാലയത്തിൽ ആചരിക്കും.

പഴേപറന്പിൽ കുടുംബയോഗത്തിന്‍റെ ആഭിമുഖ്യത്തിലാണ് ആചരണം. തലശേരി രൂപതയുടെ പ്രഥമ മെത്രാനായിരുന്ന മാർ സെബാസ്റ്റ്യൻ വള്ളോപ്പള്ളിയോടൊപ്പം വിദ്യാഭ്യാസ സ്ഥാപനങ്ങളുടെയും പളളികളുടെയും നിർമ്മാണത്തിനു നേതൃത്വംവഹിച്ചു. കുടിയേറ്റ കർഷകരുടെ ആധ്യാത്മികവും സാമൂഹികവും സാന്പത്തികവുമായ അഭിവൃദ്ധിക്കായി നേതൃപരമായ പങ്കുവഹിച്ചു. മോൺ.പഴേപറന്പിലിന്‍റെ താല്പര്യവും ഉത്സാഹവുമാണു പാലാ രൂപതയിലെ പാലാക്കാട് ചെറുപുഷ്പ ദേവാലയത്തിന്‍റെ സ്ഥാപനത്തിനും നിമിത്തമായത്. 23ന് രാവിലെ ഒൻപതിനു പാലാക്കാട് ചെറുപുഷ്പ ദേവാലയത്തിൽ മാർ ജോസഫ് പള്ളിക്കാപറന്പിലിന്‍റെ മുഖ്യകാർമികത്വത്തിൽ വിശുദ്ധ കുർബാന. തുടർന്ന് അനുസ്മരണ ശുശ്രൂഷ നടക്കും.

പതിനൊന്നിനു നടക്കുന്ന കുടുംബയോഗ സമ്മേളനം കാഞ്ഞിരപ്പള്ളി രൂപത വികാരി ജനറാൾ മോൺ.ജസ്റ്റിൻ പഴേപറന്പിൽ ഉദ്ഘാടനം ചെയ്യും. ഫാ.തോമസ് വെട്ടുകാട്ടിൽ അധ്യക്ഷതവഹിക്കും. കുടുംബയോഗം പ്രസിഡന്‍റ് പി.എം.തോമസ് പഴേപറന്പിൽ, അഗസ്റ്റിൻ ജോസഫ്, ഫാ.ജോർജ് പഴേപറന്പിൽ, പി.എം.സഖറിയാസ് എന്നിവർ പ്രസംഗിക്കും. നവവൈദികരായ ഫാ.ജോർജ് പഴേപറന്പിൽ(വക്കച്ചൻ), ഫാ.ജോർജ് പഴേപറന്പിൽ(ജോ) എന്നിവരെ അനുമോദിക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.