കരുവാരക്കുണ്ട് (മലപ്പുറം): ഭവന രഹിതരായ കുടുംബങ്ങളെ സഹായിക്കാൻ സൻമനസുള്ളവർ മുന്നോട്ടു വരണമെന്ന് താമരശേരി ബിഷപ് മാർ റെമിജിയോസ് ഇഞ്ചനാനിയിൽ.
ദീപിക ഫ്രണ്ട്സ് ക്ലബിന്‍റെ (ഡിഎഫ്സി) ആഭിമുഖ്യത്തിൽ താമരശേരി രൂപത ട്രഷറർ മാത്യു സെബാസ്റ്റ്യൻ താഴത്തേൽ, അരിമണലിൽ നിർധനകുടുംബത്തിനു നിർമിച്ചു നൽകിയ സ്നേഹഭവനത്തിന്‍റെ വെഞ്ചരിപ്പുകർമം നിർവഹിച്ചു സന്ദേശം നൽകുകയായിരുന്നു ബിഷപ്. നിർധനരെ സഹായിക്കാൻ സന്മനസ് പ്രകടിപ്പിക്കുന്ന താഴത്തേൽ മാത്യു സെബാസ്റ്റ്യൻ, കോടികൾ വിലമതിക്കുന്ന ഒരേക്കറോളം സ്ഥലം ഭവനരഹിതർക്ക് സൗജന്യമായി നൽകിയ പള്ളിവാതുക്കൽ അവറാച്ചൻ എന്നിവരെപോലുള്ളവർ മാതൃകയാണ്. ഡിഎഫ്സിയുടെ നേതൃത്വത്തിൽ കേരളത്തിലെ മുഴുവൻ രൂപതകളിലുമുള്ള പാവപ്പെട്ട ജനങ്ങളുടെ പാർപ്പിട പ്രശ്നം പരിഹരിക്കാമെന്ന് ബിഷപ് പ്രത്യാശ പ്രകടിപ്പിച്ചു.
തുടർന്നു നടന്ന ചടങ്ങ് ബിഷപ് ഉദ്ഘാടനം ചെയ്തു. ഡിഎഫ്സി രൂപത പ്രസിഡന്‍റ് ജോർജ് വട്ടുകുളം അധ്യക്ഷത വഹിച്ചു. ദീപിക കോഴിക്കോട് യൂണിറ്റ് റസിഡന്‍റ് മാനേജർ ഫാ. തോമസ്(സായി) പാറൻകുളങ്ങര ആമുഖ പ്രഭാഷണം നടത്തി. കരുവാരക്കുണ്ട് ഹോളിഫാമിലി ഫൊറോന വികാരി ഫാ. ഡൊമിനിക് തുങ്കുഴി അനുഗ്രഹ പ്രഭാഷണം നടത്തി. ഫാ. ജോസഫ് താഴത്തേൽ, ഫാ. പോൾ കൈനിക്കൽ, ഫാ. മാത്യു കുറുംപുറം, ഫാ. ബിജു കൊച്ചുനിരവത്ത് തുടങ്ങിയവർ പ്രസംഗിച്ചു.
വീടിന്‍റെ താക്കോൽദാനകർമം ബിഷപ് മാർ റെമിജിയോസ് ഇഞ്ചനാനിയിൽ നിർവഹിച്ചു. ദീപിക സർക്കുലേഷൻ മാനേജർ പ്രിൻസി ജോസ്, ഏരിയാ മാനേജർ എം.എ. വിറ്റാജ്, അവറാച്ചൻ പള്ളിവാതുക്കൽ, കുര്യച്ചൻ കോലഞ്ചേരി, ഉമ്മച്ചൻ തെങ്ങുംമൂട്ടിൽ, വയലിൽ ജോയിച്ചൻ, സിബി വയലിൽ, ജയരാജ് കുറ്റിയാനിക്കൽ, സജി പുത്തൻപുരക്കൽ, ലോനച്ചൻ പാലാക്കുന്നേൽ തുടങ്ങിയവർ പങ്കെടുത്തു. ഫാ. ജോസഫ് ഇടക്കാട്ടിൽ സ്വാഗതവും മാത്യു സെബാസ്റ്റ്യൻ നന്ദിയും പറഞ്ഞു. അരിമണലിലെ കണ്ണമ്പട മറ്റത്തിൽ തങ്കമ്മയ്ക്കും മകൾക്കുമാണ് ദീപിക വെളിച്ചമായത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.