പെരുമ്പാവൂരിൽ തെരുവുനായ ഓടിനടന്നു 18 പേരെ കടിച്ചു : Deepika.com Kerala News |

Click here for detailed news of all items

പെരുമ്പാവൂരിൽ തെരുവുനായ ഓടിനടന്നു 18 പേരെ കടിച്ചു

Friday, July 21, 2017 2:28 PM IST

പെരുമ്പാവൂർ: പെരുമ്പാവൂർ നഗരത്തിൽ തെരുവുനായ ഓടിനടന്ന് എട്ടു വയസുകാരനായ കുട്ടിയുൾപ്പെടെ 18 പേരെ കടിച്ചു. കടിയേറ്റവരിൽ നാലു പേർ സ്ത്രീകളാണ്.
രണ്ടു മണിക്കൂറോളം ഭീതിവിതച്ച നായയെ ഒടുവിൽ നാട്ടുകാർ തല്ലിക്കൊന്നു. നായയ്ക്കു പേയുള്ളതയി സംശയിക്കുന്നു.

ഇന്നലെ ഉച്ചകഴിഞ്ഞു മൂന്നിനു മഞ്ഞപ്പെട്ടിയിൽ റോഡരികിൽ നിന്നിരുന്ന ഒരാളെ കടിച്ചുകൊണ്ടായിരുന്നു തുടക്കം. അവിടെനിന്ന് ഓടിയ നായ അഞ്ചു കിലോമീറ്റർ അപ്പുറത്തുള്ള പാലക്കാട്ടുതാഴം പാലത്തിൽവച്ചു രണ്ടു പേരെ കടിച്ചു. തുടർന്നു പെരുമ്പാവൂർ നഗരത്തിലെത്തിയ നായ റോഡരികിൽ നിന്നിരുന്നവരെ പരക്കെ കടിക്കുകയായിരുന്നു.പരിക്കേറ്റവരെയെല്ലാം പെരുമ്പാവൂർ താലൂക്ക് ആശുപത്രിയിൽ പ്രാഥമിക ചികത്സയ്ക്കുശേഷം കളമശേരി മെഡിക്കൽ കോളേജിലേക്കു മാറ്റി.

ചേർത്തല സ്വദേശി ബിനീഷ്, പേരാമംഗലം സ്വദേശി ശിവദാസൻ, മുടിക്കലിലെ ലീല, പാലത്തിങ്കൽ പോൾ, ഹംസ, ഇടവൂർ സ്വദേശി ജിബിൻ, ജിജി ഷാജി ഐമുറി, എട്ടു വയസുകാരൻ അഭിഷേക്, ഇരിങ്ങോൾ സ്വദേശി ചെല്ലമ്മ, തുരുതിപ്ലി സ്വദേശിനി സരസമ്മ, പട്ടാലിലെ ആന്‍റണി തുടങ്ങിയവർക്കാണു കടിയേറ്റത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.