സെൻകുമാറിനെതിരേ ടി. പദ്മനാഭൻ : Deepika.com Kerala News |

Click here for detailed news of all items

സെൻകുമാറിനെതിരേ ടി. പദ്മനാഭൻ

Thursday, July 27, 2017 1:02 PM IST

കോഴിക്കോട്: റിട്ടയർ ചെയ്തതിനുശേഷം സകലരേയും കുറ്റംപറഞ്ഞുനടക്കുന്ന സംസ്ഥാന പോലീസ് മുൻ മേധാവി ടി.പി.സെൻകുമാറിന്‍റേതു പബ്ലിസിറ്റി ക്രേസ് ആണെന്നു കഥാകൃത്ത് ടി. പദ്മനാഭൻ. കേരള പോലീസ് ഓഫീസേഴ്സ് അസോസിയേഷന്‍റെ ഇരുപത്തൊന്പതാം സംസ്ഥാന സമ്മേളനത്തോടനുബന്ധിച്ചു നടന്ന സാംസ്കാരിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

സുപ്രീംകോടതിയിൽനിന്ന് അനുകൂല വിധി സന്പാദിച്ച് ഡിജിപി കസേരയിൽ തിരിച്ചെത്തിയ ടി.പി.സെൻകുമാറിനെ ഏറെ ബഹുമാനിച്ച ആളാണ് ഞാൻ.എന്നാൽ, റിട്ടയർമെന്‍റിനു ശേഷം എന്തൊക്കെയാണ് അദ്ദേഹം കാട്ടിക്കൂട്ടുന്നത്. ഇതെല്ലാം അദ്ദേഹത്തിന്‍റെ പബ്ലിസിറ്റി ക്രേസ് മാത്രമാണ്. താനൊഴികെ ലോകത്തു വേറാരും നല്ലവരില്ലെന്ന അദ്ദേഹത്തിന്‍റെ നിലപാട് ദയനീയമെന്നു പറയാതെവയ്യ: പത്മനാഭൻ പറഞ്ഞു.

പ്രമാദമായ കേസുകളിലെല്ലാം കേരള പോലീസ് സ്തുത്യർഹമായ അന്വേഷണം നടത്തുന്നുണ്ട്. ടി.പി.ചന്ദ്രശേഖരൻ കേസാണ് അതിലൊന്ന്. പ്രതികളെ അറസ്റ്റു ചെയ്യുന്നതിലും വിചാരണ സമയത്തും അവർ മികവ് തെളിയിച്ചു. അതിലും വലിയ അന്വേഷണമാണ് നടിയെ ആക്രമിച്ച കേസിൽ നടക്കുന്നതെന്നും അദ്ദേഹം പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.