കെടിഎ സമ്മേളനം സമാപിച്ചു : Deepika.com Kerala News |

Click here for detailed news of all items

കെടിഎ സമ്മേളനം സമാപിച്ചു

Thursday, October 12, 2017 7:05 PM IST

കൊച്ചി: ബഹുസ്വര സമൂഹത്തിലെ മാനുഷിക പ്രശ്നങ്ങളിൽ ക്രിസ്തീയ ദൈവശാസ്ത്രത്തിന്‍റെ ഇടപെടലും സ്വാധീനവും വർധിപ്പിക്കണമെന്ന ആഹ്വാനവുമായി കേരള തിയോളജിക്കൽ അസോസിയേഷന്‍റെ (കെടിഎ) മൂന്നാമത് പൊതുസമ്മേളനവും സെമിനാറും പിഒസിയിൽ സമാപിച്ചു.ദൈവശാസ്ത്രത്തിന്‍റെ പരിമിതികളും സാധ്യതകളും എന്ന വിഷയത്തിൽ നടന്ന സെമിനാറിൽ റവ.ഡോ.ജയിംസ് ആനാപറന്പിൽ, റവ.ഡോ.ഐറിസ് കൊയ്‌ലോ, റവ. ഡോ. മാർട്ടിൻ കല്ലുങ്കൽ, റവ.ഡോ.സൂരജ് പിട്ടാപ്പിള്ളിൽ എന്നിവർ ചർച്ചകൾക്കു നേതൃത്വം നൽകി.

ഫ്രാൻസിസ് പാപ്പായുടെ ‘സ്നേഹത്തിന്‍റെ ആനന്ദം’ എന്ന അപ്പസ്തോലിക ആഹ്വാനത്തിലെ പ്രബോധനങ്ങൾ കേരള പശ്ചാത്തലത്തിൽ പ്രാവർത്തികമാക്കാൻ തയാറാക്കിയിട്ടുള്ള പ്രായോഗിക നിർദേശങ്ങളെക്കുറിച്ചുള്ള ചർച്ചയിൽ റവ.ഡോ. ലോറൻസ് കുലാസും റവ.ഡോ. സ്റ്റാൻലി മാതിരപ്പിള്ളിയും പങ്കെടുത്തു.

സമ്മേളനത്തിൽ മുതിർന്ന ദൈവശാസ്ത്രജ്ഞരായ റവ.ഡോ.ജോണ്‍ ബർക്കുമാൻസ്, റവ.ഡോ.ജസ്റ്റിൻ പനയ്ക്കൽ, റവ.ഡോ.സിറിയക് കണിച്ചായി എന്നിവരെ ആദരിച്ചു. കെടിഎ എക്സിക്യൂട്ടീവ് മെംബറും തൃശൂർ അതിരൂപതയുടെ നിയുക്ത മെത്രാനുമായ മാർ ടോണി നീലങ്കാവിൽ സമ്മേളനത്തിൽ അധ്യക്ഷത വഹിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.