ചെന്പേരി വിമൽജ്യോതിക്ക് എൻബിഎ അക്രഡിറ്റേഷൻ : Deepika.com Kerala News |

Click here for detailed news of all items

ചെന്പേരി വിമൽജ്യോതിക്ക് എൻബിഎ അക്രഡിറ്റേഷൻ

Friday, October 20, 2017 11:38 AM IST

ചെന്പേരി: തലശേരി അതിരൂപതയുടെ കീഴിലുള്ള ചെന്പേരി വിമൽജ്യോതി എൻജിനിയറിംഗ് കോളജിലെ കോഴ്സുകൾക്ക് എൻബിഎയുടെ (നാഷണൽ ബോർഡ് ഓഫ് അക്രഡിറ്റേഷൻ) അക്രഡിറ്റേഷൻ ലഭിച്ചു.

എൻജിനിയറിംഗ് വിദ്യാഭ്യാസത്തിന്‍റെ ഗുണനിലവാരം ഉറപ്പുവരുത്തുന്ന ദേശീയ ഏജൻസിയായ എൻബിഎ കോളജിൽ സന്ദർശനം നടത്തി നിലവാരം ഉറപ്പാക്കിയശേഷമാണ് 2017-2020 വർഷത്തേക്കു ബിടെക് കോഴ്സുകൾക്ക് അക്രഡിറ്റേഷൻ നൽകിയത്. ഇലക്‌ട്രിക്കൽ ആൻഡ് ഇലക്‌ട്രോണിക്സ് എൻജിനിയറിംഗ്, കംപ്യൂട്ടർ സയൻസ് ആൻഡ് എൻജിനിയറിംഗ് എന്നീ വിഭാഗങ്ങൾക്ക് പ്രൊവിഷണൽ അക്രഡിറ്റേഷൻ ലഭിച്ചു. കോളജിലെ മറ്റ് എൻജിനിയറിംഗ് ബ്രാഞ്ചുകൾക്കും അക്രഡിറ്റേഷൻ ലഭ്യമാക്കുന്നതിനുള്ള നടപടികളുമായി മുന്നോട്ടുപോകുന്നതായി വകുപ്പു മേധാവികൾ അറിയിച്ചു.

ഉത്തരകേരളത്തിൽ എൻബിഎ അക്രഡിറ്റേഷൻ ലഭിക്കുന്ന ആദ്യ സർക്കാരിതര എൻജിനിയറിംഗ് കോളജാണു ചെന്പേരി വിമൽജ്യോതി. വിമൽജ്യോതിയുടെ ചരിത്രത്തിലെ ഒരു നാഴികക്കല്ലാണ് ഈ അംഗീകാരമെന്ന് കോളജ് രക്ഷാധികാരി തലശേരി ആർ‌ച്ച്ബിഷപ് മാർ ജോർജ് ഞരളക്കാട്ട് അറിയിച്ചു.

അക്രഡിറ്റേഷൻ പ്രവർത്തനങ്ങൾക്ക് നേതൃത്വം നൽകിയ പ്രിൻസിപ്പൽ ഡോ. ബെന്നി ജോസഫ്, ഇലക്‌ട്രിക്കൽ വകുപ്പ് മേധാവി പ്രഫ. ലാലി ജയിംസ്, കംപ്യൂട്ടർ സയൻസ് വകുപ്പ് മേധാവി പ്രഫ. ഡോ. മനോജ് വി. തോമസ്, അധ്യാപക-അനധ്യാപകർ എന്നിവരെ കോളജ് മാനേജ്മെന്‍റും പിടിഎയും അഭിനന്ദിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.