മെഡിക്കൽ അനുബന്ധ കോഴ്സുകളിലേക്കുളള സ്പോട്ട് അലോട്ട്മെന്‍റ് : Deepika.com Kerala News |

Click here for detailed news of all items

മെഡിക്കൽ അനുബന്ധ കോഴ്സുകളിലേക്കുളള സ്പോട്ട് അലോട്ട്മെന്‍റ്

Friday, October 20, 2017 11:38 AM IST

തിരുവനന്തപുരം: ഹോമിയോ, ആയുർവേദ, സിദ്ധ, യുനാനി എന്നീ മെഡിക്കൽ കോഴ്സുകളിലെയും, അഗ്രികൾച്ചർ, ഫോറസ്ട്രി, ഫിഷറീസ് എന്നീ അനുബന്ധ കോഴ്സുകളിലെയും ഒഴിവുള്ള സീറ്റുകൾ നികത്തുന്നതിനായി സ്പോട്ട് അലോട്ട്മെന്‍റ് 23 ന് രാവിലെ 9.30 ന് തിരുവനന്തപുരം, ഗവ. ആയുർവേദ കോളജ് കാന്പസിലുളള അനാട്ടമി ഹാളിൽ പ്രവേശന പരീക്ഷാ കമ്മീഷണർ നടത്തും. 23 ന് സ്പോട്ട് അലോട്ട്മെന്‍റ് നടപടികൾ പൂർത്തീകരിക്കാൻ കഴിയാതെ വന്നാൽ 24 ന് സ്പോട്ട് അലോട്ട്മെന്‍റ് പ്രക്രിയ തുടരുന്നതാണ്.

16 ലെ സർക്കാർ കത്തിലെ നിർദേശം അനുസരിച്ച് സ്വകാര്യ സ്വാശ്രയ ആയുർവേദ, സിദ്ധ, യുനാനി കോളജുകളിലെ ഒഴിവുള്ള സർക്കാർ സീറ്റുകൾ ഈ സ്പോട്ട് അലോട്ട്മെന്‍റിൽ നികത്തുന്നതാണ്. വെറ്ററിനറി കോഴ്സിലെ സീറ്റുകൾ സംബന്ധിച്ച് ഹൈക്കോടതിയിൽ കേസ് നിലവിലുളളതിനാൽ വെറ്ററിനറി കോഴ്സിൽ ഒഴിവുവരുന്ന സീറ്റുകൾ സ്പോട്ട് അലോട്ട്മെന്‍റിനു പരിഗണിക്കുന്നതല്ല. പ്രവേശന പരീക്ഷാ കമ്മീഷണർ തയാറാക്കിയ മെഡിക്കൽ/ആയുർവേദ റാങ്ക് ലിസ്റ്റിൽ ഉൾപ്പെട്ടിട്ടുളള വിദ്യാർഥികൾക്ക് സ്പോട്ട് അലോട്ട്മെന്‍റിൽ പങ്കെടുക്കാം.

സ്പോട്ട് അലോട്ട്മെന്‍റ് സംബന്ധിച്ച വിശദമായി വിജ്ഞാപനം വെബ്സൈറ്റുകളിൽ പ്രസിദ്ധീകരിക്കുന്നതാണ്. ഹെൽപ്പ് ലൈൻ നന്പരുകൾ : 0471 2339101, 2339102, 2339103, 2339104

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.