ധാർമിക ദൈവശാസ്ത്രജ്ഞരുടെ ദേശീയ സമ്മേളനം തുടങ്ങി : Deepika.com Kerala News |

Click here for detailed news of all items

ധാർമിക ദൈവശാസ്ത്രജ്ഞരുടെ ദേശീയ സമ്മേളനം തുടങ്ങി

Friday, October 20, 2017 12:00 PM IST

കൊച്ചി: അസോസിയേഷൻ ഓഫ് മോറൽ തിയോളജിയൻസ് ഓഫ് ഇന്ത്യ (എഎംടിഐ)യുടെ നേതൃത്വത്തിൽ ധാർമിക ദൈവശാസ്ത്രജ്ഞരുടെ 29-ാമതു ദേശീയ സമ്മേളനം ആലുവ ചുണങ്ങംവേലി നിവേദിതയിൽ ആരംഭിച്ചു.

മുൻ പിഎസ്‌സി ചെയർമാൻ ഡോ. കെ.എസ്. രാധാകൃഷ്ണൻ ഉദ്ഘാടനം ചെയ്തു. അസോസിയേഷൻ പ്രസിഡന്‍റ് റവ. ഡോ. ക്ലമന്‍റ് കാന്പസ് (ബംഗളൂരു), സെക്രട്ടറി റവ. ഡോ. അഗസ്റ്റിൻ കല്ലേലി (എറണാകുളം), ട്രഷറർ റവ. ഡോ. തോമസ് പാറയിൽ (ഒറീസ), വൈസ് പ്രസിഡന്‍റ് റവ. ഡോ. മൈക്കിൾ പീറ്റേഴ്സ് (ഗോവ) എന്നിവർ പ്രസംഗിച്ചു.

സ്നേഹത്തിന്‍റെ ആനന്ദത്തി ൽ ഫ്രാൻസിസ് മാർപാപ്പ ഊന്നിപ്പറയുന്ന മനഃസാക്ഷിയുടെ രൂപീകരണവും ധാർമിക വിലയിരുത്തലുകളിൽ അതിന്‍റെ പങ്കും എന്നതാണു സമ്മേളനത്തിന്‍റെ വിഷയം. ഒന്പതു പ്രബന്ധങ്ങളുടെ അവതരണവും ചർച്ചകളും ഉണ്ട്.

എറണാകുളം-അങ്കമാലി അതിരൂപത സഹായമെത്രാൻ മാർ സെബാസ്റ്റ്യൻ എടയന്ത്രത്ത് സമ്മേളനത്തിൽ സന്ദേശം നൽകും. രാജ്യത്തെ വിവിധ സെമിനാരികളിലും മറ്റും ശുശ്രൂഷ ചെയ്യുന്ന ധാർമിക ദൈവശാസ്ത്രജ്ഞരാണു പങ്കെടുക്കുന്നത്. സമ്മേളനം നാളെ സമാപിക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.