ചങ്ങനാശേരി: സെൻറ് ജോസഫ്സ് കോളജ് ഓഫ് കമ്യൂണിക്കേഷന്‍റെ മാധ്യമ മഹോത്സവമായ മെലാഞ്ചിനോടനുബന്ധിച്ച് ഏർപ്പെടുത്തിയ നാലാമത് മാധ്യമ പുരസ്കാരം പ്രശസ്ത പിന്നണി ഗായിക കെ.എസ്. ചിത്രയ്ക്ക് നല്കും.
24ന് മീഡിയ വില്ലേജിൽ നടക്കുന്ന ചടങ്ങിൽ ചങ്ങനാശേരി ആർച്ച് ബിഷപ് മാർ ജോസഫ് പെരുന്തോട്ടം പുരസ്കാരം സമർപ്പിക്കും.
21 മുതൽ 24 വരെ നടത്തപ്പെടുന്ന മെലാഞ്ച് 2017ൽ എൽകെജി മുതൽ കോളജ് വരെയുള്ള വിദ്യാർഥി പ്രതിഭകളാണ് മാറ്റുരയ്ക്കുന്നത്. ഫോട്ടോഗ്രഫി, ഷോർട്ട് ഫിലിം, അർജെ-വിജെ ഹണ്ട്, സ്പോട്ട് കൊറിയോഗ്രാഫി, ഗെയിമിംഗ്, കാർട്ടൂണിംഗ്, ക്രാഫ്റ്റിംഗ്, പെയിന്‍റിംഗ്, ഡ്രോയിംഗ്, ഫേസ് പെയിന്‍റിംഗ്, പോസ്റ്റർ ഡിസൈനിംഗ് എന്നീ മത്സരങ്ങളാണുള്ളത്. വിജയികൾക്ക് കാഷ് പ്രൈസുണ്ട്.
ലൈഫ് പെയിന്‍റിംഗ്, സംഗീത സായാഹ്നം, കലാസന്ധ്യ, എസ്ജെസിസി വിദ്യാർഥികൾ അവതരിപ്പിക്കുന്ന നാടകം, ഫാഷൻ ഷോ തുടങ്ങിവയവും സംഘടിപ്പിച്ചിട്ടുണ്ട്.
നാലു ദിവസം നീളുന്ന മാധ്യമ മഹോത്സവത്തിൽ കെ.എസ്. ചിത്ര, നടൻ അലൻസിയർ, ആർട്ടിസ്റ്റ് ബി.ഡി. ദത്തൻ, ആനിമേറ്റർമാരായ പ്രകാശ് മൂർത്തി, സീറോ ഉണ്ണി തുടങ്ങിയവർ പങ്കെടുക്കും. പൂർവ വിദ്യാർഥിയും ഉദാഹരണം സുജാത എന്ന ചിത്രത്തിന്‍റെ സംവിധായകനുമായ ഫാന്‍റം പ്രവീണിനെ ചടങ്ങിൽ ആദരിക്കും.
21നു രാവിലെ 10നു ചങ്ങനാശേരി അതിരൂപ സഹായ മെത്രാൻ മാർ തോമസ് തറയിലിന്‍റെ അധ്യക്ഷതയിൽ ചേരുന്ന സമ്മേളനം നടൻ അലൻസിയർ ഉദ്ഘാടനം ചെയ്യും. സി.എഫ്. തോമസ് എംഎൽഎ, ആർടിസ്റ്റ് ബി.ഡി. ദത്തൻ, ഫാന്‍റം പ്രവീണ്‍ എന്നിവർ പങ്കെടുക്കും.
24ന് ഉച്ചകഴിഞ്ഞ് രണ്ടിനു ചേരുന്ന സമാപന സമ്മേളനത്തിൽ ആർച്ച് ബിഷപ് മാർ ജോസഫ് പെരുന്തോട്ടം അധ്യക്ഷത വഹിക്കും.
കൊടിക്കുന്നിൽ സുരേഷ് എംപി പങ്കെടുക്കും. അത്യാധുനിക സൗകര്യങ്ങളോടു കൂടിയ റിക്കാർഡിംഗ് ആൻഡ് മിക്സിംഗ് സ്റ്റുഡിയോയുടെ ഉദ്ഘാടനം കെ.എസ്.ചിത്ര നിർവഹിക്കും. മാധ്യമ ഉത്സവത്തിന്‍റെ ഒരുക്കങ്ങൾ പൂർത്തിയായതായി മീഡിയ വില്ലേജ് എക്സിക്യൂട്ടീവ് ഡയറക്ടർ ഫാ.ആൻറണി ഏത്തയ്ക്കാട്ട് പത്രസമ്മേളനത്തിൽ അറിയിച്ചു.
പ്രോഗ്രം കോ-ഓർഡിനേറ്റർമാരായ പ്രിൻസിപ്പൽ ഡോ. ജോസഫ് പാറയ്ക്കൽ, ഫാ. ജോബിൻ പെരുന്പളത്തുശേരി, തോമസ് ജോസഫ്, എബിൻ ഫിലിപ്പ്, നിസാ സൂസൻ, ജിനു കെ. വർഗീസ്, ജിനു ജോസഫ്, ഗോകുൽ ജി. നായർ, ജിബി ജോർജ് എന്നിവർ പത്രസമ്മേളനത്തിൽ പങ്കെടുത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.