"ആധാർ ബന്ധിപ്പിച്ച്'എടിഎം തട്ടിപ്പ് വീണ്ടും; ഡോക്ടറുടെയും വീട്ടമ്മയുടെയും പണം നഷ്ടപ്പെട്ടു : Deepika.com Kerala News |

Click here for detailed news of all items

"ആധാർ ബന്ധിപ്പിച്ച്'എടിഎം തട്ടിപ്പ് വീണ്ടും; ഡോക്ടറുടെയും വീട്ടമ്മയുടെയും പണം നഷ്ടപ്പെട്ടു

Sunday, October 22, 2017 12:09 PM IST

മങ്കൊന്പ്: ആധാറുമായി ബന്ധിപ്പിക്കാനെന്നും പറഞ്ഞു വിളിച്ച് എടിഎം തട്ടിപ്പ്. ആലപ്പുഴയിൽ വെറ്ററിനറി ഡോക്ടർക്കും വീട്ടമ്മയ്ക്കും അക്കൗണ്ടിലെ പണം നഷ്ടമായി. ആധാർ ബന്ധിപ്പിക്കാൻ ബാങ്കിൽനിന്ന് എന്ന മട്ടിൽ വിളിച്ചായിരുന്നു തട്ടിപ്പ്. മൊബൈൽ ഫോണിലേക്കു വരുന്ന ഒടിപി (വൺ ടൈം പാസ്‌വേർഡ്) ആധാർ ബന്ധിപ്പിക്കാനെന്ന മട്ടിൽ വാങ്ങിയെടുത്തായിരുന്നു തട്ടിപ്പ്. കുട്ടനാട്ടിൽ സർക്കാർ വെറ്ററിനറി ഡോക്ടറുടെയും രാമങ്കരി സ്വദേശിനിയായ വീട്ടമ്മയുടെയും അക്കൗണ്ടിലെ 63,000ത്തോളം രൂപ നഷ്ടപ്പെട്ടു.

എസ്ബിഐ അക്കൗണ്ടുകളിൽനിന്നാണ് പണം പോയത്. ഡോക്ടറുടെ ആലപ്പുഴ മുല്ലയ്ക്കൽ എസ്ബിഐയിലുള്ള അക്കൗണ്ടിൽനിന്ന് 25,000 രൂപയും വീട്ടമ്മയുടെ രാമങ്കരി എസ്ബിഐയിലെ അക്കൗണ്ടിൽനിന്ന് 38,000 രൂപയുമാണ് നഷ്ടപ്പെട്ടത്. രാമങ്കരി, പുളിങ്കുന്ന് പോലീസ് സ്റ്റേഷനുകളിൽ ഇരുവരും പരാതി നൽകി.

മിത്രക്കരി സ്വദേശിനിയായ വീട്ടമ്മയ്ക്കു ബാങ്കിൽ നിന്നാണെന്നു പറഞ്ഞ് വിളി വന്നത് ശനിയാഴ്ച വൈകുന്നേരവും ഡോക്ടർക്ക് ഉച്ചയ്ക്കുമായിരുന്നു. കേസ് സൈബർ സെല്ലിനു കൈമാറിയെന്നു പുളിങ്കുന്ന് പോലീസ് പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.