സ​മാ​ധാ​ന​ത്തി​ന്‍റെ വി​ത്തു​ക​ൾ വി​ത​യ്ക്കാം
Wednesday, December 13, 2017 2:27 PM IST
ഫാ. ​സാ​ജു കു​ത്തോ​ടി പു​ത്ത​ൻ​പു​ര​യി​ൽ സി​എ​സ്ടി (പി.​ഒ.​സി. പാ​ലാ​രി​വ​ട്ടം)

ക്രി​സ്മ​സ് കാ​ല​ഘ​ട്ട​ത്തി​ൽ ദൈ​വ​ത്തി​ന്‍റെ ദൂ​ത​ൻ ആ​ട്ടി​ട​യ​ന്മാ​രി​ലൂ​ടെ ലോ​ക​ത്തി​നു ന​ല്കു​ന്ന സ​ദ്‌വ‌‌‌‌ാ​ർ​ത്ത നി​ങ്ങ​ൾ ഭ​യ​പ്പെ​ടേ​ണ്ടാ എ​ന്നും സ​ക​ല ജ​ന​ത്തി​നും സ​ന്തോ​ഷ​ത്തി​ന്‍റെ സ​ദ്വാ​ർ​ത്ത​യാ​യ ഒ​രു ര​ക്ഷ​ക​ൻ, ക​ർ​ത്താ​വാ​യ ക്രി​സ്തു, ജ​നി​ച്ചി​രി​ക്കു​ന്നു എ​ന്നു​മാ​ണ്. ക്രി​സ്മ​സ് സ​ന്തോ​ഷ​ത്തി​ന്‍റെ സ​ദ‌്‌വാ​ർ​ത്ത ന​മ്മെ ത​ഴു​കു​ന്പോ​ൾ ഒ​പ്പം, രാ​ജ​സ്ഥാ​നി​ലെ രാ​ജ​സ​മ​ന്ദ് ജി​ല്ല​യി​ൽ ക​ഴി​ഞ്ഞ​ദി​വ​സം പ​ശ്ചി​മ​ബം​ഗാ​ളി​ൽ​നി​ന്നു​ള്ള മു​ഹ​മ്മ​ദ് അ​ഫ്റ​സൂ​ൽ എ​ന്ന യു​വാ​വി​നെ മ​ഴു​കൊ​ണ്ടു വെ​ട്ടി പ​രി​ക്കേ​ല്പി​ച്ച​തി​നു​ശേ​ഷം ജീ​വ​നോ​ടെ ക​ത്തി​ച്ച വാ​ർ​ത്ത​യും ന​മു​ക്കു കേ​ൾ​ക്കേ​ണ്ടി​വ​ന്നു. ക​ത്തി​ക്കു​ന്ന​തും കൊ​ല​പ്പെ​ടു​ത്തു​ന്ന​തു​മാ​യ രം​ഗ​ങ്ങ​ൾ ഉ​ൾ​പ്പെ​ടു​ന്ന വീ​ഡി​യോ ന​വ​മാ​ധ്യ​മ​ങ്ങ​ളി​ൽ കാ​ണേ​ണ്ടി വ​ന്നു. സ​മൂ​ഹ​ത്തി​ൽ ഭീ​തി ജ​നി​പ്പി​ക്കു​ന്ന ഇ​തു​പോ​ലു​ള്ള സം​ഭ​വ​ങ്ങ​ളും വാ​ർ​ത്ത​ക​ളും ഇ​ന്നു വ​ർ​ധി​ക്കു​ന്നു.

സ​ദ്‌വാ​ർ​ത്ത​യ്ക്കും സ​മാ​ധാ​ന​ത്തി​നും ത​മ്മി​ൽ സു​ദൃ​ഢ​മാ​യ ബ​ന്ധ​മാ​ണു​ള്ള​ത്. സ​മൂ​ഹ​ത്തി​ന്‍റെ അ​ക​ത്ത​ള​ങ്ങ​ളി​ൽ സ​മാ​ധാ​നം പു​ല​ര​ണ​മെ​ന്ന് ആ​ഗ്ര​ഹി​ക്കു​ന്ന​വ​രെ​ല്ലാം സ​ദ്‌വ‌‌‌ാ‌‌​ർ​ത്ത​യ്ക്കു ശ്ര​മി​ക്കു​ന്ന​വ​രും സ​ദ്‌വ‌‌ാ​ർ​ത്ത സൃ​ഷ്ടി​ക്കു​ന്ന​വ​രു​മാ​ണ്. എ​ന്നാ​ൽ, മേ​ല്പ​റ​ഞ്ഞ​വ​ർ തി​ന്മ​ചെ​യ്യു​ക മാ​ത്ര​മ​ല്ല, ആ ​പ്ര​വൃ​ത്തി സ​മൂ​ഹ​ത്തി​ലെ സ​മാ​ധാ​നം ഹ​നി​ക്കാ​ൻ ആ​കും​വി​ധം പ്ര​ച​രി​പ്പി​ക്കു​ക​യു​മാ​ണു ചെ​യ്യു​ന്ന​ത്. പ​ര​സ്നേ​ഹ​മ​ല്ല, അ​പ​ര​നോ​ടു​ള്ള പ​ക പൂ​ത്തി​രി​പോ​ലെ ക​ത്തി​ച്ചു ര​സി​ക്കു​ന്ന​വ​രെ​യാ​ണു നാം ​ഇ​ന്നു പ​ല​പ്പോ​ഴും കാ​ണു​ന്ന​ത്. ഇ​വ​രെ ഒ​റ്റ​പ്പെ​ടു​ത്താ​നും നി​ല​യ്ക്കു​നി​ർ​ത്തു​വാ​നു​മു​ള്ള ഭ​ര​ണ, രാ​ഷ്‌​ട്രീ​യ സം​വി​ധാ​ന​ങ്ങ​ളു​ടെ പ്ര​തി​ജ്ഞാ​ബ​ദ്ധ​ത പ​രീ​ക്ഷി​ക്ക​പ്പെ​ടു​ന്ന നാ​ളു​ക​ളാ​ണി​ത്.

സ​മൂ​ഹ​ത്തി​ൽ ഭ​യാ​ന​ക​മാ​യ അ​ന്ത​രീ​ക്ഷം വ​ർ​ധി​ച്ചു​വ​രു​ക​യാ​ണ്. എ​ല്ലാ​വ​രും ഭ​യ​ത്തി​ന്‍റെ നി​ഴ​ലി​ലാ​ണ് ജീ​വി​ക്കു​ന്ന​ത്. മ​നു​ഷ്യ​ത്വ​ത്തി​നു നി​ര​ക്കാ​ത്ത​തും അ​പ​മാ​ന​ക​ര​വു​മാ​യ സം​ഭ​വ​ങ്ങ​ൾ കൂ​ടി​വ​രു​ന്നു. മ​നു​ഷ്യ​നെ മ​നു​ഷ്യ​ൻ ഭ​യ​പ്പെ​ടു​ക​യാ​ണ്. ജ​ന​ങ്ങ​ളെ മ​ത​ത്തി​ന്‍റെ​യും ജാ​തി​യു​ടെ​യും പേ​രി​ൽ വേ​ർ​തി​രി​ച്ചു കാ​ണാ​നു​ള്ള സം​ഘ​ടി​ത ശ്ര​മ​ങ്ങ​ൾ ഇ​ന്നു കൂ​ടി​വ​രു​ന്നു. ഇ​തു​മൂ​ലം സ​മൂ​ഹ​ത്തി​ൽ വെ​റു​പ്പി​ന്‍റെ​യും വി​ദ്വേ​ഷ​ത്തി​ന്‍റെ​യും സം​ശ​യ​ത്തി​ന്‍റെ​യും വി​ത്തു​ക​ൾ വി​ത​യ്ക്ക​പ്പെ​ടു​ന്നു.


ദൈ​വ​ത്തി​ന്‍റെ സാ​ദൃ​ശ്യ​ത്തി​ൽ സൃ​ഷ്ടി​ക്ക​പ്പെ​ട്ട മ​നു​ഷ്യ​ൻ ദൈ​വ​ത്തി​ന്‍റെ ക​രു​ത​ലി​ന്‍റെ ത​ണ​ലി​ലാ​ണ് നി​ല​നി​ല്ക്കു​ന്ന​തും വ​ള​രു​ന്ന​തും. ഓ​രോ മ​നു​ഷ്യ​നി​ലും നാം ​ദൈ​വ​സാ​ന്നി​ധ്യം ദ​ർ​ശി​ക്കു​ക​യും അ​വ​നി​ലെ ന​ന്മ തി​രി​ച്ച​റി​യു​ക​യും വേ​ണം. അ​പ​ര​നു ന​ല്ല​തു വ​ര​ണ​മെ​ന്ന് ആ​ഗ്ര​ഹി​ക്കു​ന്ന​വ​രാ​ണ് അ​ധി​ക​വും. അ​ത്യു​ന്ന​ത​ങ്ങ​ളി​ൽ ദൈ​വ​ത്തി​നു മ​ഹത്വം! ഭൂ​മി​യി​ൽ ദൈ​വ​കൃ​പ ല​ഭി​ച്ച​വ​ർ​ക്കു സ​മാ​ധാ​നം (ലൂ​ക്കാ2,14) എ​ന്ന ക്രി​സ്മ​സ് സ്തു​തി​പ്പി​ന്‍റെ അ​ർ​ഥ​വും ആ​ഴ​വും സ​മൂ​ഹം ഉ​ൾ​ക്കൊ​ള്ള​ണം. ലോ​കം മു​ഴു​വ​ൻ ജാ​തി-​മ​ത ഭേ​ദ​മെ​ന്യേ സ​മാ​ധാ​നം സം​ജാ​ത​മാ​ക്കാ​നു​ള്ള ലോ​ക​ജ​ന​ത​യു​ടെകൂ​ടി​ വ​ര​വി​നു​ള്ള പ്ര​ത്യാ​ശ​യു​ടെ സു​വി​ശേ​ഷ​മാ​ണി​ത്.

ദൈ​വ​സാ​ന്നി​ധ്യം ന​ഷ്ട​മാ​കു​ന്പോ​ഴാ​ണു ഭ​യാ​ശ​ങ്ക​ക​ളും അ​സ്വ​സ്ഥ​ത​ക​ളും വ​ള​രു​ന്ന​ത്. ഇ​തു ന​ഷ്ട​മാ​കു​ന്ന​തു തി​രി​ച്ച​റി​യാ​ത്ത​താ​ണു സ​മൂ​ഹ​ത്തി​ൽ സം​ഭ​വി​ക്കു​ന്ന ഏ​റ്റ​വും വ​ലി​യ ദു​ര​ന്തം. ദൈ​വ​കൃ​പ വീ​ണ്ടെ​ടു​ക്കാ​നു​ള്ള ആ​ഹ്വാ​ന​വും അ​വ​സ​ര​വു​മാ​ണു യ​ഥാ​ർ​ഥ​ത്തി​ൽ ക്രി​സ്മ​സ്.

സ​മാ​ധാ​ന​ അ​ന്ത​രീ​ക്ഷം നി​ല​നി​ർ​ത്താ​ൻ ബോ​ധ​പൂ​ർ​വ​​മാ​യ പ്ര​യ​ത്ന​വും ജാ​ഗ്ര​ത​യും ആ​വ​ശ്യ​മാ​ണ്. സ​മാ​ധാ​ന​ത്തി​നു​വേ​ണ്ടി പ്ര​വ​ർ​ത്തി​ക്ക​ണ​മെ​ങ്കി​ൽ സ​ത്യ​ത്തി​ന്‍റെ​യും നീ​തി​യു​ടെ​യും സ്വ​രം ശ്ര​വി​ക്കാ​നു​ള​ള സ​ന്മ​ന​സു​ണ്ടാ​ക​ണം. സ​മാ​ധാ​ന​ത്തി​നു​വേ​ണ്ടി​യു​ള്ള സം​ഘാ​ത​മാ​യ ശ്ര​മ​ങ്ങ​ൾ ഇ​ന്ന് അ​നി​വാ​ര്യ​മാ​ണ്. സ​മാ​ധാ​നം സ്ഥാ​പി​ക്കു​ന്ന​വ​ർ ഭാ​ഗ്യ​വാ​ന്മാ​ർ; അ​വ​ർ ദൈ​വ​പു​ത്ര​രെ​ന്നു വി​ളി​ക്ക​പ്പെ​ടും (മ​ത്താ5,9). ഈ ​ക്രി​സ്മ​സ് നാ​ളു​ക​ളി​ൽ സ​മാ​ധാ​ന​ത്തി​ന്‍റെ വി​ത്തു​ക​ൾ വി​ത​യ്ക്കാ​ൻ ന​മു​ക്കു മു​ൻ​കൈ​യെ​ടു​ക്കാം!