മൂലമറ്റം: മണ്ണിടിച്ചിലിൽ വീടു നഷ്ടപ്പെട്ട വീട്ടുടമ ഹൃദയാഘാതം മൂലം മരിച്ചു. ആശ്രമം വടക്കേമുറിയിൽ ദേവസ്യാച്ചൻ (85) ആണ് മരിച്ചത്. വ്യാഴാഴ്ചയുണ്ടായ മണ്ണിടിച്ചിലിൽ വീടുപൂർണമായും തകർന്നിരുന്നു. വീടു നഷ്ടപ്പെട്ടതിനെ തുടർന്ന് മൂലമറ്റത്തെ ദുരിതാശ്വാസ ക്യാന്പിൽ കഴിയുകയായിരുന്നു ഇദ്ദേഹം. വൈകിട്ടോടെ ദേഹാസ്വാസ്ഥ്യത്തെ തുടർന്ന് അറക്കുളത്തുള്ള മകളുടെ വീട്ടിലേയ്ക്കും തുടർന്നു സ്വകാര്യ ആശുപത്രിയിലേക്കും മാറ്റിയെങ്കിലും ജീവൻ രക്ഷിക്കാനായില്ല.
സംസ്കാരം നടത്തി. ഭാര്യ ത്രേസ്യാമ്മ കരിന്പൻ പുത്തൻപുരയ്ക്കൽ കുടുംബാംഗം. മക്കൾ: സലോമി, മേഴ്സി, ലിസി, ആൻസി, സിബിലി, സിജു, ജിൻസി, പരേതനായ ജോസ് മരുമക്കൾ: വൽസമ്മ, ജോയി, ബേബി, സാബു, ബാബു, ജോജോ, അഞ്ജു, ബിജു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.