രോഗികളെ ഹെലികോപ്റ്ററിൽ കോട്ടയത്ത് എത്തിച്ചു : Deepika.com Kerala News |

Click here for detailed news of all items

രോഗികളെ ഹെലികോപ്റ്ററിൽ കോട്ടയത്ത് എത്തിച്ചു

Saturday, August 18, 2018 12:14 AM IST

കോട്ടയം: കോഴഞ്ചേരി മുത്തൂറ്റ് ആശുപത്രിയിൽ വെള്ളം കയറിയതിനെത്തുടർന്നു ഗുരുതരാവസ്ഥയിൽ ഐസിയുവിലായിരുന്ന ഏഴു രോഗികളെ വ്യോമസേനാ ഹെലികോപ്റ്ററിൽ കോട്ടയം എസ്എച്ച് മെഡിക്കൽ സെന്‍റർ ആശുപത്രിയിൽ എത്തിച്ചു. ഇവരെ ഐസിയുവിലേക്കു മാറ്റി.

തലച്ചോറിനും നട്ടെല്ലിനും ശ്വാസകോശത്തിനും ഗുരുതരമായി പരിക്കേറ്റ രോഗികളെയാണ് എയർ ലിഫ്റ്റ് ചെയ്തത്. വൈകുന്നേരം നാലിനാണു രോഗികളെ എത്തിക്കുമെന്ന അറിയിപ്പ് എസ്എച്ച് ആശുപത്രി അധികൃതർക്കു ലഭിച്ചത്. ഒരുമണിക്കൂറിനുള്ളിൽതന്നെ ജില്ലാ ഭരണകൂടവും ആശുപത്രി അധികൃതരും ചേർന്നു കോട്ടയം പോലീസ് പരേഡ് ഗ്രൗണ്ടിൽ ക്രമീകരണങ്ങൾ ഒരുക്കി. 5.15നാണ് എല്ലാ രോഗികളെയും എസ്എച്ച് മെഡിക്കൽ സെന്‍ററിൽ എത്തിച്ചത്.

ആശുപത്രി ഡയറക്ടർ സിസ്റ്റർ ആലീസ് മണിയങ്ങാട്ട്, ഡോ. ബിബിൻ പി. മാത്യു, ഡോ. അനീസ് എം. മുസ്തഫ, ഡോ. കുര്യൻ സേവ്യർ, ഡോ. ബിൻസി എന്നിവരുടെ നേതൃത്വത്തിലാണ് രോഗികളെ മാറ്റിയത്. ഐസിയുവിൽ പ്രവേശിപ്പിക്കപ്പെട്ട രോഗികളെ ഡോക്ടർമാർ പരിശോധിച്ചു വരികയാണ്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.