ജോസ് വിതയത്തില്‍ കാത്തലിക് യൂണിയന്‍ കോ-ഓര്‍ഡിനേറ്റര്‍
ന്യൂഡല്‍ഹി: ഇന്ത്യയിലെ കത്തോലിക്കാ രൂപതകളിലെ അത്മായ സംഘടനകളുടെ കേന്ദ്രസമിതിയായ ഓള്‍ ഇന്ത്യ കാത്തലിക് യൂണിയന്‍ ദേശീയ കോ-ഓര്‍ഡിനേറ്ററായി അഡ്വ. ജോസ് വിതയത്തിലിനെ നിയമിച്ചു. സിബിസിഐയുടെ കീഴിലുള്ള കാത്തലിക് യൂണിയനില്‍ ലത്തീന്‍, സീറോ മലബാര്‍, സീറോ മലങ്കര സഭകള്‍ക്കു പ്രാതിനിധ്യമുണ്ട്.

കാത്തലിക് യൂണിയന്‍ ദേശീയ പ്രസിഡന്റ് യൂജിന്‍ ഗോണ്‍സാല്‍വസ് (കോല്‍ക്കത്ത) ആണ് ജോസിനെ കോ-ഓര്‍ഡിനേറ്ററായി നിയമിച്ചത്. ലാന്‍സി ഡിക്കുണ (മംഗലാപുരം) വൈസ് പ്രസിഡന്റായും തെരഞ്ഞെടുക്കപ്പെട്ടു. ജോസ് വിതയത്തില്‍ കാത്തലിക് യൂണിയന്റെ മുന്‍ ദേശീയ സെക്രട്ടറിയായിരുന്നു.


കെസിബിസി അത്മായ കമ്മീഷന്‍ സെക്രട്ടറിയായ ജോസ് വിതയത്തില്‍ എറണാകുളം- അങ്കമാലി അതിരൂപത പാസ്ററല്‍ കൌണ്‍സില്‍ സെക്രട്ടറിയായി പ്രവര്‍ത്തിച്ചിട്ടുണ്ട്. പുത്തന്‍പള്ളി വിതയത്തില്‍ കുടുംബാംഗമായ ജോസ് എറണാകുളം ആലങ്ങാട് സ്വദേശിയാണ്.