അഴിമതിക്കേസിൽ ഹരിയാന മുൻ സ്പീക്കർ കാദിയാന് ഏഴു വർഷം തടവ്
Friday, August 26, 2016 12:57 PM IST
ന്യൂഡൽഹി: അഴിമതിക്കേസിൽ ഹരിയാന മുൻ സ്പീക്കർ എസ്.എസ്. കാദിയാന് ഏഴു വർഷം തടവും 50 ലക്ഷം രൂപ പിഴയൊടുക്കാനും സിബിഐ കോടതി ഉത്തരവിട്ടു. 20 വർഷം മുമ്പു നടന്ന ഇഫ്കോ അഴിമതിക്കേസിലാണു ശിക്ഷ. കേസിൽ മൂന്നു പേർക്കുകൂടി തടവ് വിധിച്ചിട്ടുണ്ട്.

ഇന്ത്യൻ നാഷണൽ ലോക്ദൾ(ഐഎൻഎൽഡി) നേതാവാണ് 66കാരനായ എസ്.എസ്. കാദിയാൻ. 1991 ഫെബ്രുവരി മുതൽ മാർച്ച് വരെ ഇന്ത്യൻ ഫാർമേഴ്സ് ഫെർട്ടിലൈസർ കോ–ഓപ്പറേറ്റീവ് ലിമിറ്റഡ്(ഇഫ്കോ) ചെയർമാനായി പ്രവർത്തിക്കവേയാണു കാദിയാൻ അഴിമതി നടത്തിയത്. ഇഫ്കോയുടെ 32.90 കോടി രൂപ കുറഞ്ഞ പലിശനിരക്കിൽ നിക്ഷേപിച്ച് സംഘടനയ്ക്ക് 15 ലക്ഷം രൂപയുടെ നഷ്‌ടമുണ്ടാക്കിയെന്നാണു കേസ്.