മലയാളി എൻജിനിയറുടെ വെബ്സൈറ്റ് പാക്സംഘം ഹാക്ക് ചെയ്‌തതായി പരാതി : Deepika.com National News |

Click here for detailed news of all items

മലയാളി എൻജിനിയറുടെ വെബ്സൈറ്റ് പാക്സംഘം ഹാക്ക് ചെയ്‌തതായി പരാതി

Thursday, January 12, 2017 3:32 PM IST

ബംഗളൂരു: യുവ എൻജിനിയറും വിവിധ കണ്ടുപിടിത്തങ്ങളിലൂടെയും സാഹസികതയിലൂടെയും ശ്രദ്ധേയനുമായ കണ്ണൂർ സ്വദേശി പ്രസൂണിന്‍റെ വെബ്സൈറ്റ് പാക്കിസ്ഥാൻ സംഘം ഹാക്ക് ചെയ്തതായി പരാതി. ബംഗളൂരുവിലെ സ്വകാര്യ കമ്പനിയിൽ സോഫ്റ്റ് വേയർ എൻജിനിയറായ ഇദ്ദേഹം ബുധനാഴ്ച രാവിലെ സ്വന്തം സൈറ്റ് തുറക്കാൻ ശ്രമിച്ചപ്പോഴാണ് ഹാക്ക് ചെയ്യപ്പെട്ടതറിഞ്ഞത്.

തുടർന്ന് കണ്ണൂർ സൈബർ സെല്ലിൽ പരാതി നൽകി. കണ്ണൂർ കൊളച്ചേരി സ്വദേശിയായ പ്രസൂണ്‍ പത്തു വർഷമായി ബംഗളൂരുവിലാണ്. സുനാമി മുൻകൂട്ടി അറിയാനുള്ള ഉപകരണം കണ്ടുപിടിച്ച് ശ്രദ്ധനേടിയിരുന്നു. മൂക്കിലൂടെ ഒരു ഗ്ലാസ് പാൽ കുടിച്ചും അഞ്ച് ഇഞ്ചോളം വരുന്ന കമ്പ് മൂക്കിലൂടെ അകത്തേക്കും പുറത്തേക്കും കടത്തി സാഹസിക പ്രകടനങ്ങളും അവതരിപ്പിച്ചിട്ടുണ്ട്. വിവിധ രാജ്യങ്ങളിൽ ഇതുമായും ഓർമശക്തിയുമായും ബന്ധപ്പെട്ട് സ്റ്റേജ്ഷോകളും ക്ലാസുകളും നടത്തിയിട്ടുണ്ട്. തന്‍റെ പ്രവർത്തനങ്ങളുമായി ബന്ധപ്പെട്ട കാര്യങ്ങളാണ് സൈറ്റിൽ ഉണ്ടായിരുന്നതെന്നും ഹാക്ക് ചെയ്യാനുള്ള കാരണമറിയില്ലെന്നും പ്രസൂണ്‍ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.