ജെല്ലിക്കെട്ട് നടത്താനുള്ള ശ്രമം പോലീസ് തട‌ഞ്ഞു : Deepika.com National News |

Click here for detailed news of all items

ജെല്ലിക്കെട്ട് നടത്താനുള്ള ശ്രമം പോലീസ് തട‌ഞ്ഞു

Sunday, January 15, 2017 11:24 AM IST

മധുര (തമിഴ്നാട്): സുപ്രീംകോടതി വിധി മറികടന്ന് തമിഴ്നാട്ടിലെ തെക്കൻ ജില്ലകളിൽ ജെല്ലിക്കെട്ട് നടത്താനുള്ള ശ്രമം പോലീസ് തടഞ്ഞു.

മാട്ടുപ്പൊങ്കലിനോ‌ടനുബന്ധിച്ച് ആചാരപരമായ ജെല്ലിക്കെട്ട് നടത്താനുള്ള ശ്രമമാണു പോലീസ് തടഞ്ഞത്. എന്നാൽ, ചിലയിടങ്ങളിൽ ജെല്ലിക്കെട്ട് നടന്നതായി റിപ്പോർട്ടുണ്ട്.

കോടതിവിധി മറികടന്ന് ജെല്ലിക്കെട്ട് നടത്തുന്നവർക്കെതിരേ ശക്തമായ നടപടി സ്വീകരിക്കുമെന്നു മധുര എസ്പി വിജയേന്ദർ എസ്. ബിദരി അറിയിച്ചു. ജില്ലയിൽ ജെല്ലിക്കെട്ട് അരങ്ങേറിയതായുള്ള വാർത്തകൾ അദ്ദേഹം നിഷേധിച്ചു. ജില്ലയുടെ വിവിധ പ്രദേശങ്ങളിൽ 2000ൽലധികം പോലീസ് ജെല്ലിക്കെട്ട് നടക്കുന്നുണ്ടോയെന്ന് നിരീക്ഷിച്ചിരുന്നതായും അദ്ദേഹം കൂട്ടിച്ചേർത്തു.
ശിവഗംഗ ജില്ലയിലെ സിൻഗംപുനാരിയിൽ കാളകളെ ഉപയോഗിച്ചുള്ള മഞ്ജുവിരാട്ട് നടന്നതായി പ്രദേശവാസികൾ പറഞ്ഞു. പുതുകോട്ടൈ ജില്ലയിലെ അലൻഗുഡിയിലും ശ്രീ തഡികോണ്ട സ്വാമി ക്ഷേത്രത്തിലും ജെല്ലിക്കെട്ടിനായി എത്തിയ നൂറുകണക്കിന് ആളുകളെ പോലീസ് ഓടിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.