പ്രസ്താവന സ്വാശ്രയ മാനേജ്മെന്‍റുകൾക്ക് എതിരേയല്ലെന്നു മുഖ്യമന്ത്രി : Deepika.com National News |

Click here for detailed news of all items

പ്രസ്താവന സ്വാശ്രയ മാനേജ്മെന്‍റുകൾക്ക് എതിരേയല്ലെന്നു മുഖ്യമന്ത്രി

Monday, January 23, 2017 2:11 PM IST

ന്യൂഡൽഹി: വിദ്യാഭ്യാസത്തെ ലാഭക്കണ്ണോടെയാണു കാണുന്നതെന്ന തന്‍റെ പ്രസ്താവന സ്വാശ്രയ മാനേജ്മെന്‍റുകൾക്കെതിരേയല്ല പറഞ്ഞതെന്ന് മുഖ്യമന്ത്രി പിണറായി വിജയൻ. എയ്ഡഡ് കോളജുകളിൽ ചിലർ പണം വാങ്ങി വിദ്യാർഥികൾക്ക് പ്രവേശനം നൽകുന്നതിനെതിരേയാണ് പറഞ്ഞത്. അത് കൃത്യമായ അഴിമതിയാണ്. അക്കാര്യം ചൂണ്ടിക്കാട്ടിയത് പുറത്തുവന്നപ്പോൾ സ്വാശ്രയ മാനേജ്മെന്‍റിനെതിരേയാണെന്ന തെറ്റിദ്ധാരണയുണ്ടായതാണെന്നും മുഖ്യമന്ത്രി പറഞ്ഞു.

വിദ്യാഭ്യാസത്തെ ലാഭക്കണ്ണോടെ കാണുന്ന പ്രവണത ക്രൈസ്തവ മാനേജ്മെന്‍റ് സ്ഥാപനങ്ങളിലേക്കും വ്യാപിച്ചെന്നും വിദ്യാർഥി പ്രവേശനത്തിനു പോലും കോഴ വാങ്ങുന്ന സ്ഥിതിയാണെന്നുമുള്ള പ്രസ്താവന വിവാദമായതിനെക്കുറിച്ചു പ്രതികരിക്കുകയായിരുന്നു മുഖ്യമന്ത്രി.

എയ്ഡഡ് വിദ്യാഭ്യാസ സ്ഥാപനങ്ങളിൽ പണം വാങ്ങി വിദ്യാർഥികൾക്ക് പ്രവേശനം നൽകുന്നതും അധ്യാപക നിയമനത്തിലുള്ള പ്രശ്നങ്ങളും വിദ്യാഭ്യാസ വകുപ്പ് പരിശോധിക്കും. എന്നാൽ, അധ്യാപക നിയമനം പിഎസ്‌സിക്കു വിടുന്നതിനെുക്കറിച്ച് ആലോചനയില്ലെന്നും അദ്ദേഹം ചോദ്യത്തിനു മറുപടി നൽകി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.