മോദിക്കെതിരേ ആഞ്ഞടിച്ച് അഖിലേഷ് പ്രചാരണം തുടങ്ങി : Deepika.com National News |

Click here for detailed news of all items

മോദിക്കെതിരേ ആഞ്ഞടിച്ച് അഖിലേഷ് പ്രചാരണം തുടങ്ങി

Tuesday, January 24, 2017 2:44 PM IST

സുൽത്താൻപുർ (ഉത്തർപ്രദേശ്): പാർട്ടി ഉൾപ്പോരിൽ ജയിച്ച്, കോൺഗ്രസുമായി സഖ്യമുണ്ടാക്കിയ ഊർജത്തിൽ അഖിലേഷ് യാദവ് നിയമസഭാ തെരഞ്ഞെടുപ്പു പ്രചാരണത്തിന് ഇന്നലെ തുടക്കം കുറിച്ചു. പ്രധാനമന്ത്രി നരേന്ദ്ര മോദിക്കെതിരേ ആഞ്ഞടിച്ച അഖിലേഷ്, തെരഞ്ഞെടുപ്പ് നടക്കുന്ന 403 സീറ്റിൽ 300ലും എസ്പി-കോൺഗ്രസ് കൂട്ടുകെട്ട് ജയിക്കുമെന്നും ശുഭാപ്തി വിശ്വാസം പ്രകടിപ്പിച്ചു. അഛേ ദിൻ അവകാശവാദവുമായി അധികാരത്തിലെത്തിയ മോദി ജനങ്ങൾക്കു ചൂലുകൊണ്ട് അടിയാണു നല്കിയതെന്നും അഖിലേഷ് പറഞ്ഞു.

സമാജ്‌വാജി പാർട്ടി വിവാദ നേതാവ് ഗായത്രി പ്രജാപതിയും അഖിലേഷിനൊപ്പം വേദി പങ്കിട്ടു. പ്രജാപതി അദ്ദേഹം മത്സരിക്കുന്ന സീറ്റ് (അമേത്തി) ജയിക്കുമെന്നും അദ്ദേഹത്തിന്‍റെ സാന്നിധ്യം മറ്റു മണ്ഡലങ്ങളിലും സമാജ്‌വാദി പാർട്ടിയുടെ ജയത്തിനു കാരണമാകുമെന്നും അഖിലേഷ് പറഞ്ഞു.

അതേസമയം, പ്രജാപതിയെ ബ്രാൻഡ് അംബാസഡർ ആക്കിയിരിക്കുകയാണെന്നും അതിലൂടെ അഴിമതിക്കാണ് അഖിലേഷ് പ്രഥമപരിഗണന നല്കുന്നതെന്നും വ്യക്തമായിരിക്കുന്നതായി ബിജെപി സംസ്ഥാന അധ്യക്ഷൻ കേശവ് പ്രസാദ് മൗര്യ ആക്ഷേപിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.