നാഗാലാൻഡ് മുഖ്യമന്ത്രി സെലിയാംഗ് രാജിവച്ചു : Deepika.com National News |

Click here for detailed news of all items

നാഗാലാൻഡ് മുഖ്യമന്ത്രി സെലിയാംഗ് രാജിവച്ചു

Sunday, February 19, 2017 11:52 AM IST

കൊഹിമ: നാഗാലാൻഡ് മുഖ്യമന്ത്രി ടി.ആർ. സെലിയാംഗ് രാജിവച്ചു. തദ്ദേശ തെരഞ്ഞെടുപ്പിൽ വനിതാ സംവരണം ഏർപ്പെടുത്തിയതിനെത്തുടർന്ന് നാഗാലാൻഡിലുണ്ടായി സംഘർഷങ്ങളാണു മുഖ്യമന്ത്രിയുടെ രാജിയിലേക്കെത്തിച്ചത്. ഗവർണർ പി.ബി. ആചാര്യ രാജി സ്വീകരിച്ചു. നാഗാ പീപ്പിൾസ് ഫ്രണ്ടിന്‍റെ(എൻപിപി) നിയമസഭാ കക്ഷിയോഗം ഇന്നു ചേർന്നു പുതിയ നേതാവിനെ തെരഞ്ഞെടുക്കും.

60 അംഗ സഭയിൽ മുൻ മുഖ്യമന്ത്രിയും എംപിയുമായ നെഫിയു റിയോയ്ക്ക് എട്ടു സ്വതന്ത്രർ ഉൾപ്പെടെ 49 പേരുടെ പിന്തുണയുണ്ട്. പാർട്ടി അധ്യക്ഷൻ ഡോ. ഷുർഹോസെലി ലീസിറ്റ്സുവിനെ മൂന്നു പേർ പിന്തുണയ്ക്കുന്നു. സ്പീക്കറുടെ പിന്തുണയും ലീസിറ്റ്സുവിനാണ്. എന്നാൽ, ഇന്നത്തെ നിയമസഭാ കക്ഷിയോഗത്തിനുശേഷമാണു കൃത്യമായ ചിത്രം വ്യക്തമാകൂ.

എൻ‌പിപിയുടെ സഖ്യകക്ഷിയായ ബിജെപിക്ക് നാല് അംഗങ്ങളുണ്ട്. നെഫിയു റിയോയും സെലിയാംഗും ശനിയാഴ്ച കേന്ദ്ര ആഭ്യന്തര മന്ത്രി രാജ്നാഥ് സിംഗുമായി കൂടിക്കാഴ്ച നടത്തിയിരുന്നു.

ആസാമിലെ കാസിരംഗയിലെ റിസോർട്ടിൽ പാർപ്പിച്ചിരുന്ന എംഎൽഎമാർ വെള്ളിയാഴ്ച രാത്രിയോടെ കൊഹിമയിലേക്കു തിരിച്ചിരുന്നു.
2014 ലോക്സഭാ തെരഞ്ഞെടുപ്പിൽ വിജയിച്ചതോടെയായിരുന്ന റിയോ മുഖ്യമന്ത്രിപദമൊഴിഞ്ഞത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.