യുപി തെരഞ്ഞെടുപ്പ്: നാലാംഘട്ട പ്രചാരണം അവസാനിച്ചു, 23നു വോട്ടെടുപ്പ് : Deepika.com National News |

Click here for detailed news of all items

യുപി തെരഞ്ഞെടുപ്പ്: നാലാംഘട്ട പ്രചാരണം അവസാനിച്ചു, 23നു വോട്ടെടുപ്പ്

Tuesday, February 21, 2017 2:37 PM IST

ലക്നോ: ഉത്തർപ്രദേശ് നിയമസഭയിലേക്കുള്ള നാലാംഘട്ട പ്രചാരണത്തിനു കൊട്ടിക്കലാശം. വ്യാഴാഴ്ചയാണു നാലാംഘട്ട തെരഞ്ഞെടുപ്പ്. 53 നിയമസഭാ സീറ്റുകളിലേക്കുള്ള വിജയികൾക്കായി 12 ജില്ലകളിലെ 1.84 കോടി വോട്ടർമാർ അന്നു വിധിയെഴുതും. ‌സംഗം സിറ്റിയിൽ ഇന്നലെ വൈകുന്നേരം ബിജെപിയും എസ്പി-കോൺഗ്രസ് സഖ്യവും റോഡ് ഷോ നടത്തിയാണ് പ്രചാരണ പരിപാടികൾ അവസാനിപ്പിച്ചത്. 12 ജില്ലകളിൽ ഇന്നലെ കേന്ദ്രസേന ഫ്ളാഗ് മാർച്ച് നടത്തി.

സോണിയ റായ്ബറേലിയിലും ഉമാ ഭാരതി ബുന്ദേൽഖണ്ഡിലും കേശവ് പ്രസാദ് മൗര്യ അലാഹാബാദിലും സാധ്വി നിരഞ്ജൻ ജ്യോതി ഫത്തേപ്പൂരിലും മത്സരിക്കുന്നു. അസുഖത്തെത്തുടർന്ന് പ്രചാരണ പരിപാടിയിൽനിന്നു സോണിയ വിട്ടുനിന്നു. റായ്ബറേലിയിലെ കോൺഗ്രസിന്‍റെ പ്രചാരണപരിപാടികളിൽ കോൺഗ്രസ് ഉപാധ്യക്ഷൻ രാഹുൽഗാന്ധിക്കൊപ്പം പ്രിയങ്കയും വേദി പങ്കിട്ടിരുന്നു.

നാലാംഘട്ടത്തിൽ പ്രധാനമന്ത്രി നരേന്ദ്ര മോദി മൂന്ന് പ്രചാരണ പരിപാടികളിൽ പങ്കെടുത്തു. കേന്ദ്ര ആഭ്യന്തരമന്ത്രി രാജ്നാഥ് സിംഗ് ആറു പ്രചാരണപരിപാടികളിൽ പങ്കെടുത്തു. അലാഹാബാദിൽ നടന്ന റോഡ് ഷോയിൽ ബിജെപി അധ്യക്ഷൻ അമിത് ഷാ പങ്കെടുത്തു. എസ്പി അധ്യക്ഷൻ അഖിലേഷ് യാദവും കോൺഗ്രസ് ഉപാധ്യക്ഷൻ രാഹുൽഗാന്ധിയും ഝാൻസിയിലും അലാഹാബാദിലും വേദി പങ്കിട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.